Provébiu 22:5 - ꞌRe Ihâimana Uꞌâsi Mono Zadawa Wasuꞌu

⁵ Iwasété norĩ nhibâdâdi na te 'wabzéré hã sô 're hâimana za'ra, duré abazei mramizé hã. Ni'wa hã ihâimanazé tãma sawi wamhã, te za tãma 're hâiba za'o.

Provébiu 22:5 ပူးပေါင်းရင်းမြစ်များ

Salmu 91:1

Ni'wa hã, 'Re ihâimana u'âsi mono danhipai u 're Isãmra mono nhimi'madâ'âzéb zahâpâ 're isãmra mono hã, duré danhipai u Iwaihu'u pese uptabi nhimi'awã zahâpâ sima iwẽ na 're iwa'utu mono hã,

Provébiu 13:15

Isimiza'rese norĩ hã da te 're iwazéb za'ra mono zé te te si'ãma 're sani za'ra. Tane nherẽ, iwasété norĩ hã te dawaprã 're isi'utõrĩ mono zéb u 're nomro.

Provébiu 13:3

Ni'wa tinhimirobzanhamri wasété wi, 're sisadawa uwati mono wamhã, te za tihâimana wẽ zém na hã 're si'madâ'â. Tane nherẽ, ni'wa siwa'ru te te 're robzanhamri hâ mono wamhã, te za 'râwi tihâimana wẽ zé hã te te siwi 're uprosi.

Provébiu 15:19

Iwa'a norĩ 're inomro mono zé bâdâdi na hã 'wabzéré hã ahâ di. Tane nherẽ, sena na 're ihâimana za'ra mono norĩ nhibâdâdi hã iharé na si.

Provébiu 16:17

Sena na i'uwaibaba na 're ihâimana za'ra mono norĩ hã te za bâdâdi iwẽ na hã iwasété nhiti 're nomro. Duré ni'wa bâdâdi na timorĩzé te te sima 're i'madâ'â pese mono hã te za tihâimanazém na 're sisõ'reptu.

Provébiu 19:16

Ni'wa 'Re ihâimana u'âsi mono nhimiroti te te 're wapari pese mono wamhã, te za 're hâimana hâ. Duré ni'wa isimiroti te te siwi 're wẽ'õ mono wamhã, 're hâimana hutu mono di za.

Provébiu 22:4

Ni'wa, Uburé Danhib'apito te te 're wazé mono wamhã, duré wapu na dama 're si'madâ'â mono wamhã, te za tinhimarĩ hã te te sima 're azani. Taha zarina te za duré da te dasiwi 're wazé pese. Te za duré 're hâimana hâ, ta hã.

Provébiu 29:6

Wasété na 're ihâimana za'ra mono norĩ hã, tiwasété na te za tô tinhitobzé hã te te 're waibu. Tane nherẽ, sena na i'uwaibaba na 're ihâimana za'ra mono norĩ si, te za tô sima iwẽ na tãma rowẽ sina hã 're nomro.

Provébiu 4:19

Tane nherẽ, iwasété norĩ nhibâdâdi, i'rãdâ'â ra, 're imara 'rã pese mono ne hã. Ta norĩ hã te te 're i'marõpãrĩ za'ra mono zé hã te te 're 'madâ'â waihu'u za'ra mono õ di, duré te te sina 're 'madâ'â waihu'u za'ra mono õ di.

Zozué 23:13

te za sena na iwaihu'u za'ra wa'wa, a'uwẽ aiwazari 're ihâimana za'ra mono norĩ hã, za te te isate zahu za'ra õ na hã, aihawib za'ra wa'aba. Ãnei õ wamhã, te za ta norĩ hã apâ simimnhasi na asada 're hâimana za'ra wa'wa, abaze norĩ mramizéb ne ré hã, aiba wi wedenhorõ na da te 're i'aipré'é za'ra wa'aba mono ne, duré ro'ware atõmo aba 're, 're isisisi mono ne. Ãne na aima irob'manharĩ za'ra wa'aba na hã te za duré te te ãma aima uzusi za'ra wa'wa, ã hã ti'a iwẽ hawimhã asô irobaba za'ra wa'aba zéb u, Uburé Danhib'apito, ate 'Re ihâimana u'âsi mono 'wa hã te te aima isõmri za'ra wa'aba zém hawimhã.

1 Zuwã 5:18

Ni'wam norĩ hã 'Re ihâimana u'âsi mono hã ãma 're 'ra za'ra mono wa, isib'a'uwẽ na oto 're nomro wẽ mono wamhã, tiwasédé hã te te oto duré 're i'manharĩ u'âsi za'ra mono da hã mare di za. 'Re ihâimana u'âsi mono 'ra hã, Zezusi hã oto ãma 're sisaprĩ u'âsi za'ra mono wa, tiwasédé hã te te 're 'manharĩ waihu'u za'ra mono õ di za tô oto duré. Tahawa, iwasété uptabi hã te te oto 're upi waihu'u za'ra mono õ di za, Wa'uburé hã. Ãne hã wama waihu'u pese za'ra di oto.