Provébiu 22:4 - ꞌRe Ihâimana Uꞌâsi Mono Zadawa Wasuꞌu

⁴ Ni'wa, Uburé Danhib'apito te te 're wazé mono wamhã, duré wapu na dama 're si'madâ'â mono wamhã, te za tinhimarĩ hã te te sima 're azani. Taha zarina te za duré da te dasiwi 're wazé pese. Te za duré 're hâimana hâ, ta hã.

Provébiu 22:4 ပူးပေါင်းရင်းမြစ်များ

Provébiu 19:23

Ni'wa, Uburé Danhib'apito te te 're wazé mono wamhã, te za rowẽ na si 're hâimana hâ pese, sima iwẽ na.

Provébiu 21:20

I'rãi waihu'u wẽ norĩ, te tinhimarĩ na ibâ na si 're hâimana za'ra, dasa norĩ iwahuré na si. Tanei õ di, isimiza'rese'õ norĩ hã. Ta norĩ hã te taré uburé tinhimarĩ marĩ na si te te 're uprosi za'ra.

Provébiu 21:21

Ni'wa isimizawi pe sena na 're ihâimana mono, te za 're ihâimana hâ mono zé hã duré da te dasiwi 're iwazé pese mono zé hã, duré i'uwaibaba na si da te tãma 're irowairébé mono zé hã sina uwaimra.

Provébiu 22:3

Isimiza'rese wẽ, marĩ isimimnha te te 'madâ'â wamhã, te za tãma ai'ré, romhâ na ré. Tanei õ di, isimiza'rese'õ hã. Ta hã te za õne haré itẽme mo. Tahawa, te za robzépada hã sisô waze.

Provébiu 22:5

Iwasété norĩ nhibâdâdi na te 'wabzéré hã sô 're hâimana za'ra, duré abazei mramizé hã. Ni'wa hã ihâimanazé tãma sawi wamhã, te za tãma 're hâiba za'o.

Provébiu 29:23

'Râwi 're idasi'madâ'â ze za'ra mono zéb zarina, te za 'râwi 're dasiwazéb za'ra. Tane nherẽ, dama dawapu na 're idasi'madâ'â mono zéb zarina, te za dama dawazé pese zé hã da te dasina 're sani za'ra.

Provébiu 3:16

Rowaihu iwẽ hã te za 're i'aihâimana hâ mono zé hã, duré asimarĩ pese zé hã duré da te 're i'aiwazé mono zém na hã te te aima 're anhomri.

Provébiu 31:30

Pi'õi mreme wazidi hã isadawa nhipe. Duré ihâiba wẽ hã si'utõrĩ pese di. Tane nherẽ, pi'õ, Uburé Danhib'apito te te 're iwazé mono hã te za tô da te dasima 're wasu'u wẽ za'ra.

Daniéu 4:36

— Tawamhã tô awa'awi ĩnhimiza'rese wẽ zé hã apâ ĩma wisi wamhã, wa tô apâ ti'â, i'rãnho'õmo na ĩpire na duré dama ĩwazém na 're ĩhâimana mono zé hã. Duré ĩte dama roti'wa norĩ hã duré ĩte dama ipire norĩ hã ma tô apâ hã siwi ĩ'âri wẽ. Tahawa, wa tô duré ĩsi'apito apâ, ĩnhiptede hã imorĩ'rata na ĩsi'apitozém nhipai u.

Mateu 6:33

'Re ihâimana u'âsi mono hã ãma 're isib'a'uwẽ za'ra mono norĩ ma, iwẽ uptabi hã te te tãma 're isõmri za'ra mono zéb zô si, te za asima 're asõpré u'âsi aba mo. 'Re ihâimana u'âsi mono te te sima 're aiwẽ za'ra wa'aba mono zéb zarina si, 're anomro wẽ wa'aba mono da, te za asima 're iwẽ u'âsi za'ra wa'aba mo. Tawamhã ãhã zô si 're asõpré wa'aba mono wamhã, marĩ zô aiwi 're irowaptâ'â za'ra wa'aba mono zéb uwaibaba, te za tô te te aima 're anhomri 'wa, Aimama 'wa hã.

1 Timotiu 4:8

Ãne wa za duré aima waihu'u. Ãté ni'wam norĩ hã te za te te sima 're pisutu za'ra, 're sihâiba wairob za'ra mono da, dahâiba wairobzé hã wẽ wa, dahâiba ma hã. Ãne hã dama 're rowẽ za'ra mono nherẽ, 'Re ihâimana u'âsi mono nhimiroti zarina 're danomro wẽ mono da, da te dasima 're pisutu pese za'ra mono wamhã, dama 're rowẽ uptabi za'ra mono di za. Rowẽ na te za ãma 're danomro, ti'ai ãma, hâiwa ãma zama. Tô sena wa tô aima rowaihu'u. Ãhã wasu'u hã tô sena wa, aihĩni te za da te ãma 're saze za'ra.

Tiagu 4:10

Aihâimana wẽ na tãma 're asiwasu'u za'ra wa'aba mono õ di za, Danhib'apito uptabi ma hã, asina 're aiwata za'ra wa'aba mono tõ da. Aihâimana wasété na si te za tãma 're asiwasu'u za'ra wa'aba mo. Tawamhã robzei'õ hawi te za ai'ãma 're sisaprĩ za'ra wa'wa, rowẽ na oto 're aihâimana za'ra wa'aba mono da.

Tiagu 4:6

Ãne wa, Wamama zawi'wa 're wanomro mono da, te za te te 're wa'apawaptob u'âsi. Duréihã ma tô taha wasu'u na rob'ui'éré, isadawa wasu'u'wa hã, ãne: “Si'uihâ na 'râwi tinhimirosa'rata na 're isi'madâ'â ze za'ra mono norĩ zada, te za 're hâimana, Wamama hã. 'Râwi tinhimirosa'rata na 're isi'madâ'â za'ra mono õ norĩ si, te za te te 're apawapto.” Ãne ãma irob'ui'éré hã.