Provébiu 22:29 - ꞌRe Ihâimana Uꞌâsi Mono Zadawa Wasuꞌu

²⁹ E aima waihu'u pese di, ni'wa sipese na te te 're iromhuri wẽ mono na hã. Ta hã tô danhipai u simiromhuri wẽ uptabi di. Tahawa tô ibâre te aré apito norĩ siré si 're hâimana.

Provébiu 22:29 ပူးပေါင်းရင်းမြစ်များ

Zenezi 41:38

Tahawa te apito, tite romhuri'wa norĩ ma nharĩ za'ra ãne: — Ni'wa hã wa te wasiwi sãmri õ di, aibâ Zuzéhé ne hã, 'Re ihâimana u'âsi mono pẽ'ẽzani ré 're ihâimana mono hã, wate ti'ai wa'õtõ nho'õmo 're, dama isi'rãnho'õmo da hã.

Zenezi 47:6

te za tô Ezitu ti'ai wa'õtõ nho'õmo 'remhã niha hã asima irowairébé za'ra wa'wa, asima iwẽ za'ra wa'aba zéb uwaibaba. Gosẽ ãma danhipai u ti'a iwẽ uptabi hã te za tãma isõmri za'ra, iwa 're hâimana za'ra mono da. Te za duré nima norĩ roptébré nhipese 'wa, aima iwaihu'u pese norĩ hã asimirosa'rata na bâ ipisutu za'ra, ĩnhimizama 'madâ'â'wa norĩ da hã.

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 12:24

Ni'wa hã tinhiptede te te sima 're 'manharĩ mono wamhã, te za dama i'rãnho'õmo na 're hâimana. Tane nherẽ, iwa'a norĩ hã te za danhib'a'uwẽ na hã te te dama 're romhuri za'ẽtẽ u'âsi za'ra.

Provébiu 23:1

Dama ipire siré asa da, isiré asãmra wamhã, õhõ ãma hã aipo're si'âri õ di za, taréi õ wa, ta hã.

Daniéu 1:19

Tame apito ma tô oto tãma robzanhamri za'ra. Tahawa, ma tô awaihu'u, uburé ipréduptém norĩ 'remhã ni'wa ihâimana õ na hã, Daniéu norĩ ne hã, Anania, Mizaéu, duré Azaria. Tahawa, ma tô ta norĩ si apito nhimiromhurizé 'ri 'rãihâ 're te te oto 're romhuri za'ra.

Daniéu 1:4

uburé 'madâ'â ze na hâiba wẽ na 're ihâimana za'ra mono, ihâiba siwamnarĩ'õ hã, i'rãiwaihu'u pe hã, isimirowaihu'u pese norĩ hã, za apito nhimiromhurizé 'ri 'rãihâ 're, romhuri waihu'u pese 'wa norĩ da hã, duré za Babilonia norĩ mreme te te iwaihu'u za'ra da hã, duré ta norĩ mreme na rob'ui'éré na te te 're iromnhoré za'ra mono da hã.

Mateu 25:21

— Tawamhã isib'apito te asa tãma tinha, ãne: “Wẽ di tô. A hã ĩma romhuri wẽ 'wai uptabi. Ĩma ai'umnhasi di. Rob'uiprazé hã surure na hâimana nherẽ, ma tô ãma iromhuri wẽ, ĩzô. Tahawa, ãhã nhipai u wa za oto aima pisutu, marĩ ahâ uptabi na ĩma 're ab'madâ'â u'âsi mono da. Te za oto ĩsiré 're aihâimana mo, wasiré ãma 're watoi u'âsi mono da.” Ãne ma tô tãma ropisutu siro, tãma iromhuri wẽ 'wai ma.

Mateu 25:23

— Tawamhã isib'apito asa te tãma tinha, ãne: “Wẽ di tô. A hã ĩma romhuri wẽ 'wa. Ĩma ai'umnhasi di. Rob'uiprazé hã surure nherẽ, ma tô ãma ĩzô iromhuri wẽ. Tahawa, ãhã nhipai u wa za duré aima pisutu, marĩ ahâ uptabi na ĩma 're ab'madâ'â u'âsi mono da. Te za oto ĩsiré 're aihâimana mo, wasiré ãma 're watoi u'âsi mono da.” Ãne ma tô duré tãma ropisutu siro, tãma iromhuri wẽ 'wai ma hã.

Roma 12:11

Aiwa'a ãna, te za duré 're iromhuri pese za'ra wa'aba mo. Wanhib'apito ma si, te za asimi'ẽi uptabi na 're iromhuri u'âsi za'ra wa'aba mo, aihâiba tiwi 're sawi za'ra wa'aba mono ãna.

1 Samuéu 16:21

Tawamhã Dawi hã ma tô oto mo. Morĩ wamhã, ma tô nasi tãma romhu, Sauhu ma hã. Tahawa, Sauhu ma hã wẽ uptabi di Dawi hã. Tawamhã ma tô oto pisutu isi'wapézé hã te te tãma 're mrami mono da.

1 Samuéu 17:31

Tawamhã ni'wam norĩ dasi'wapéi 'manharĩ'wa norĩ hã ma tô wapari za'ra Dawi te te inharĩzé hã. Tahawa, ma tô duré tãma wasu'u za'ra Sauhu ma hã. Tahawa, Sau hã ma tô sô hâ, Dawihi zô.