Provébiu 22:23 - ꞌRe Ihâimana Uꞌâsi Mono Zadawa Wasuꞌu

²³ E marĩ wa. Uburé Danhib'apito i'wawib za'ra isimapa'wa na 're hâimana mono wa za. Ta hã te za isimarĩ'õ norĩ ma, te te tãma 're irob'manharĩ za'ra mono norĩ ma hã te te 're arob'manharĩ wasété.

Provébiu 22:23 ပူးပေါင်းရင်းမြစ်များ

Salmu 103:6

Uburé Danhib'apito, te i'uwaibaba na si da te 're iwati pese za'ra mono norĩ ma, te te 're arowairébé, iwẽ na si. Ta norĩ 'wawimhã te duré 're simapa u'âsi.

Salmu 140:12

Uburé Danhib'apito, ĩma waihu'u pese di, marĩ zô tiwi 're iro'wanhi'riti za'ra mono norĩ 'wawi 're i'aimapa mono zé hã. Duré i'uwaibaba na si isimarĩ'õ norĩ ma, marĩ tãma 're i'ab'manharĩ mono zéb zama ĩma waihu'u pese di.

Salmu 140:13

Aimreme te te 're iwapari pese za'ra mono norĩ hã, te za tô ai'ãma 're wata za'ra, duré i'uwaibaba na 're inomro mono norĩ hã te za apto'o ré hã asõ'remhã 're hâimana za'ra.

Provébiu 21:7

Iwasété norĩ, tinhimirob'manharĩ wasété zarina, te za 'râwi 're si'uprosi. E marĩ wa. I'uwaibaba na marĩ te te 're i'manharĩ za'ra mono da hã te te siwi 're wẽ'õ za'ra mono wa.

Provébiu 23:11

E marĩ wa, 'Re ihâimana u'âsi mono hã isiptete uptabi, imama'õ norĩ 'wawi 're isimapa mono 'wa na 're hâimana mono wa. Tahawa te za tô õ norĩ 'wawi 're isimapa mono zém na hã asada 're hâimana.

1 Samuéu 24:12

Tahawa, te za Wanhib'apito si wawaihu'u, marĩ na wa te ãma i'upa na hã. E a hã e wa hã. Tahawa ĩma iwẽ õhõ si te te aima rob'manharĩ da, ĩzada aihâimanazéb zarina. Tane nherẽ, wa hã te i'ai'wapé da hã mare di.

1 Samuéu 24:15

Tahawa, te za Wanhib'apito 'Re ihâimana u'âsi mono si wawaihu'u, nimahã wa te i'upazém na hã, e a hã e wa hã. Wa tiwi waptẽ, te te ĩwaihu'uzéb zarina, ĩ'ãma sisaprĩ da, duré taha zarina te te aiwi ĩnho'reptu da hã.

1 Samuéu 25:39

Tawamhã Dawi, Nabauhu dâ'âzé te te waihu'u wamhã, te ãne tinha: — Wanhib'apito 'Re ihâimana u'âsi mono ãma 're wawata za'ra wa'aba mono! Ta hã ma tô ĩ'ruiwa'â, Nabau ĩ'ãma iwasété'wa na hã. Ãne ma tô ĩpawapto, isib'a'uwẽ marĩ te 'manharĩ wasété tõ da hã. Wanhib'apito ma tô tãma rob'manha Nabauhu ma hã, wasété uptabi wa. Tawamhã Dawi hã ma tô romreme hã tãma tisõ, Abigaiuhu ma ãma mro da hã.