Provébiu 22:18 - ꞌRe Ihâimana Uꞌâsi Mono Zadawa Wasuꞌu

¹⁸ 'Re i'awaihu'u mono na, ãma 're asipo're pu'u u'âsi mono wamhã, aima 're rowẽ uptabi mono di za.

Provébiu 22:18 ပူးပေါင်းရင်းမြစ်များ

Salmu 119:103

Aimreme hã te aiwa marĩ isei uptabi ne, 're hâimana. Tô sei uptabi di, ropĩni nhipai u hã.

Salmu 119:111

Asimiroti hã te ĩnhimarĩ pese zém ne hã õne u'â ĩma 're hâimana. Ta hã te duré 're ĩpẽ'ẽ toi mono zém na ĩma 're hâimana.

Salmu 119:13

Ĩmreme 'rãihâ na wa uburé asimiroti ĩma isõmri na hã nasi ãma rowasu'u.

Salmu 19:10

Sô rob'ruiwapari za'ẽtẽ uptabi di, ẽtẽ waipo pré oru nhipai u, tô oru iwazari'õ iwẽ uptabi nhipai u. Duré ropĩni ise nhipai u, tô ropĩ iwazari'õ ise uptabi nhipai u te 're hâimana, isimiroti hã.

Provébiu 10:13

I'rãi waihu'u wẽ norĩ hã te za rowaihu iwẽ na si 're mreme zusi. Tane nherẽ, niha na simiza'rese ãna 're ihâimana za'ra mono norĩ hã te za da te tãma 're rob'manharĩ wasété za'ra.

Provébiu 10:21

Iwẽ norĩ mreme hã, te za da'ahâ uptabi ma hã te te 're rob'manharĩ wẽ za'ra. Tane nherẽ, isimiza'rese'õ norĩ hã 'rãi waihu'u wasété wa, te za 're idadâ'â za'ra mono zéb u hã 're sisimro.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Provébiu 16:21

Ni'wai ma ipẽ'ẽ na rowaihu iwẽ tãma 're ihâimana mono hã ta hã isimirowaihu'u wẽ uptabi. Duré ni'wa timreme wẽ na te te dama 're roti mono wamhã, te za da te ãma 're saze su'u za'ra.

Provébiu 2:10

Ãne wamhã, ai'rãi waihu'u wẽ na te za sena na 're aihâimana mo. Tawamhã te za asimiza'rese wẽ zém na hã aipẽ'ẽ 'remhã asima irowẽ waze.

Provébiu 22:19

Uburé Danhib'apito asina 're umnhasi mono da, wa za ãma aima rowasu'u, ãhã na hã.

Provébiu 25:11

Damreme iwẽ hã aiwa bâtâ uwaibaba na da te dama 're iroti za'ra mono zé hã, aiwa ẽtẽ waipo pré oru na ropodo ẽtẽ waipo prã prata 'manharĩ na da te ãma isa'ra ne hã.

Provébiu 3:17

Te za dapẽ'ẽ 'remhã dahâimanazé iwẽ ise hã te te dama 're anhomri. Te za duré rowẽ na dasima iwẽ na 're idahâimana za'ra mono zé hã te te 're da'anhimro.

Provébiu 4:20

Ĩ'ra, ĩwapari pese, te aima inharĩ mono zém na hã.

Provébiu 4:21

Niwamhã aima ĩnhimirotizé 're 'madâ'â mono ãna 're aihâimana mono tõ. Duré aipẽ'ẽ 'rem hã asima 're tété u'âsi mono.

Provébiu 8:6

Asiwi ĩwapari aba, marĩ ipire na te aima inharĩ za'ra wa'aba zém na hã. Uburé marĩ na te inharĩ mono zé hã i'uwaibaba si.

Zuwã 7:38

Duréihã ma tô ãne â u'âsi na rob'ui'éré, 'Re ihâimana u'âsi mono zadawa 'mahârâ'wa hã: “Â u'â hã 're sidototo u'âsi mono wamhã, dama 're irowẽ za'ra mono zé hã te za dama 're hâimana u'âsi za'ra, isipti hã. Tane Danho'reptui'wa na da te dasina 're ĩ'umnhasi za'ra mono wamhã, taha zarina te za rowẽ nhomri'wa hã dama 're hâimana za'ra.” Ãne ma tô ãma rob'ui'éré, ibaihâ na hã.

Hebreu 13:15

Tahawa, Zezusi hã wazada idâ'âzéb zarina, wa za 'Re ihâimana u'âsi mono ãma 're wawata u'âsi za'ra, taha si wama 're toi u'âsi za'ra mono da. Duréihã danhimizama na duré dasa na 'Re ihâimana u'âsi mono ma, 're danhoprub za'ra mono wa, dama 're itoi mono ne, wa za ãma 're wawata u'âsi za'ra, wama 're toi u'âsi za'ra mono da. 'Re ihâimana u'âsi mono hã wa te wasina 're i'umnhasi za'ra mono zém na sõ'awi dama 're iwasiwasu'u za'ra mono na zama, wa za tãma ãma 're wanhoprub za'ra, 'Re ihâimana u'âsi mono ma hã.