Provébiu 22:15 - ꞌRe Ihâimana Uꞌâsi Mono Zadawa Wasuꞌu

¹⁵ Ai'uté norĩ iharé na te tô simiza'rese ãna marĩ hã te te 're 'manharĩ za'ra. Tane nherẽ, i'ahâri zarina te za tinhimiza'rese wẽ zé hã te te 're waihu'u za'ra.

Provébiu 22:15 ပူးပေါင်းရင်းမြစ်များ

Salmu 51:5

Sena ĩpotozém hawim haré, te ĩwasédé hã ĩma 're hâimana. Ĩna wasãzém hawim haré, wa tô ĩwasété ré hã 're ĩnhamra tô.

Provébiu 13:24

Ni'wa, ti'ra te te 're ahâri mono õ wamhã, tãma isawi'õzé hã te wasu'u. Duré ni'wa ti'ra te te 're sawi pese mono wamhã, te za tô simiza'rese prãi wi zahadu ré te te 're ahâri.

Provébiu 19:18

Ai'ra norĩ hã zahadu prédub õ ré, te za tãma 're iropipa za'ra wa'aba mo. Ãnei õ wamhã, te za tihâimanazé hã te te siwi 're uprosi za'ra, 'râwi.

Provébiu 20:30

Da'ahârizé te za danhimi'manharĩ wasétézé hã te te dama 're apari, iwẽ na si we 're dahâimana za'ra mono da oto.

Provébiu 29:15

Da'ra da te 're ihâ za'ra mono zéb zarina, te za i'rãiwaihu'u wẽ hã da te tãma 're sõmri za'ra. Tane nherẽ, ai'uté ahâri ãna, sihawim na marĩ sima iwẽ na, siwa'ru te te 're i'manharĩ mono zarina, te za tina wi hã te te ãma 're rowazéb zani.

Provébiu 29:17

Ai'ra norĩ ma, te za 're iropipa za'ra mo. Ãne wamhã, te za rowẽ hã te te aima sina 're sõmri za'ra, duré aipẽ'ẽ 're aima 're irobzei mono zéb zama hã.

Éfézu 2:3

Tane wa norĩ hã, wa aré tô wanhimirosa'rata wasété zarina 're wanomro. Wa te wasima 're iwẽ za'ra mono zéb zarina, wa tô aré wa te wasima ãma 're uwaimrami za'ra. Ãne 're wahâimana wasété za'ra mono wa, te aré tô duré dazu wahâ za'ra, 'Re ihâimana u'âsi mono hã.