Provébiu 21:7 - ꞌRe Ihâimana Uꞌâsi Mono Zadawa Wasuꞌu

⁷ Iwasété norĩ, tinhimirob'manharĩ wasété zarina, te za 'râwi 're si'uprosi. E marĩ wa. I'uwaibaba na marĩ te te 're i'manharĩ za'ra mono da hã te te siwi 're wẽ'õ za'ra mono wa.

Provébiu 21:7 ပူးပေါင်းရင်းမြစ်များ

Provébiu 10:6

Wẽ na 're ihâimana za'ra mono ma si, te za iwẽ hã da te tãma 're pisutu za'ra. Tane nherẽ, iwasété norĩ te te 're idawamnarĩ za'ra mono da hã te simirosa'rata udâ pese na si 're hâimana za'ra.

Provébiu 21:21

Ni'wa isimizawi pe sena na 're ihâimana mono, te za 're ihâimana hâ mono zé hã duré da te dasiwi 're iwazé pese mono zé hã, duré i'uwaibaba na si da te tãma 're irowairébé mono zé hã sina uwaimra.

Éfézu 5:6

Ta norĩ hã po're'õ u'âsi 're nomro mono wa, te za nimahã na tãma rob'manharĩ za'ra ipipa na, 'Re ihâimana u'âsi mono hã. Tane nherẽ, ãté ni'wam norĩ hã te za sadawa nhipese na te te aima 're rowasu'u za'ra wa'wa, za te te idahâ za'ra õ na hã. Ãne na te te aima 're rowasu'u za'ra wa'aba mono nherẽ, 're wapari za'ra wa'aba mono õ di za, isimirowasu'u tô senai'õ wa, ta norĩ hã.