Provébiu 21:6 - ꞌRe Ihâimana Uꞌâsi Mono Zadawa Wasuꞌu

⁶ Senai õ na dahâimanazéb zarina, marĩ da te dasima 're iwaibui mono hã awa'awi dawi 're isi'utõrĩ za'ra mono, dadâ'â da, 're idasisitob za'ra mono zém ne hã te dama 're hâimana, abaze mramizém ne.

Provébiu 21:6 ပူးပေါင်းရင်းမြစ်များ

Provébiu 10:2

Senai õ na 're idahâimana za'ra mono zarina, 're idasisimarĩ pese za'ra mono hã taré uptabi, marĩ dai õ di. Tane nherẽ, sena na 're idahâimana za'ra mono na hã te za dadâ'âzé wi ãma 're dasisani za'ra.

Provébiu 13:11

Rob'uiprazé senai'õ na waptu na da te dasima 're isa'ẽtẽ za'ra mono hã te za i'arĩ na dawi sina te te 're ti'awi za'ra. Tane nherẽ, ni'wam norĩ hã atãma na suru nherẽ, te te sima 're ubumroi u'âsi za'ra mono wamhã, te za tãma sina 're hâ'â za'ra.

Provébiu 20:14

Rob'uipra'wa hã te za tinha ãne: “Wa'âbâ za'ẽtẽ di ã hã”. Tane nherẽ, oto watobro parimhã, 'râwi isi'madâ'â ze zarina te za dama siwasu'u, te te irob'uipra wẽ na hã.

Provébiu 20:21

Waptu na 're idasisimarĩ pese za'ra mono hã niwamhã te te ãma dama 're irowẽ zani za'ra mono da hã mare di.

Provébiu 22:8

Ni'wa hã marĩ iwasété na te te dama irob're zarina, te za ropipazéb si te te sima 're atehâri. Tawamhã marĩ iwasédé hã te za sô aipi'ra.

Provébiu 30:8

Ĩzadawa nhipese na 're ĩhâimana mono da hã, ma'ãpé ĩma sa'ré tõ. Duré ĩnhibro pese na, niha wamhã duré ĩnhimarĩ'õ pese na 're ĩhâimana mono da hã ĩma sa'ré tõ. Ĩnomo wabre dasa na 're ĩhâimana mono da si, te za ĩma 're isõmri mo.

Provébiu 8:36

Tane nherẽ, ni'wam norĩ hã ĩwi sina 're ipahâ za'ra mono hã te za 'râwi 're siwamnarĩ za'ra. Uburé ĩzada 're isiti'rui wairébé mono hã te tidâ'âzép si hã te te sima 're sawi za'ra.”

Titu 1:11

Tahawa, te za ta norĩ wi 're i'azawi mo, aimawi na isazei'wa norĩ ma te te 're rowasu'u za'ra mono tõ da. E marĩ wa. Ta norĩ nhimirowasu'u zarina, ma tô ni'wam norĩ hã 're sipa za'ra, roti tô senai'õ niwĩ, damama siré 're idahâimana za'ra mono norĩ hã. Aimawi rowasu'u'wa norĩ hã te rob'uiprazé hã da te tãma 're sõmri za'ra mono da, te te sima 're rosa'rata za'ra, rowahutu wa'rãmi.

2 Pedru 2:3

Tô senai'õ na rowasu'u'wa norĩ hã te za taré rob'uiprazéb zô, tinhimirosa'rata na si, marĩ na te te aima 're rowasu'u za'ra wa'wa. Tane nherẽ, ta norĩ hã iwasété na 'Re ihâimana u'âsi mono ma, waihu'u pese di. Tahawa, isimihâzé wi, 're sisõ'reptu waihu'u za'ra mono õ di za.