Provébiu 21:5 - ꞌRe Ihâimana Uꞌâsi Mono Zadawa Wasuꞌu

⁵ Ni'wa atãma na marĩ na te te sima ãma 're irowa'õtõ wẽ mono hã te za marĩ si'utõrĩ ãna sa'ẽtẽ na sa 're simi'wara. Duré ni'wa waptu na sa'ẽtẽ te te sima ãma 're irowa'õtõ mono hã te za marĩ zô tiwi sô 're rowaptâ'â.

Provébiu 21:5 ပူးပေါင်းရင်းမြစ်များ

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.

Provébiu 19:2

Ni'wai ma hã marĩ tãma waihu'u õ nherẽ, te te sima 're iwẽ mono te te 're i'manharĩ mono da hã wẽ õ di. Duré ni'wa wara sina marĩ te te 'manharĩ wamhã, te za ãma upa.

Provébiu 20:21

Waptu na 're idasisimarĩ pese za'ra mono hã niwamhã te te ãma dama 're irowẽ zani za'ra mono da hã mare di.

Provébiu 28:22

Isõti hã te waptu na 're isisimarĩ pese za'ra mono da si, tinhimarĩ zô sima 're sõpré. Tane nherẽ, sisõwamhã te te rob'madâ'â waihu'u õ di, za isimarĩ'õzé bâdâ ipire, sô iwisizé hã.

Provébiu 29:20

E aima waihu'u pese di, ni'wa õne haré timreme te te ime hã, simirosa'rata ãna. Taha ma hã rowẽ õ di za. Isimiza'rese'õ ma, tãma rowẽ di za, õhõ nhipai u.

Éfézu 4:28

Danhibrom na dawi 're i'asimisaihuri za'ra wa'aba mono zém na hã, duré oto 're asimisaihuri za'ra wa'aba mono na hã ãma 're sahu za'ra wa'aba mono õ di za. Te za oto asib'rata na 're iromhuri za'ra wa'aba mo, aihâimana wẽ na oto 're aihâimana za'ra wa'aba mono da, duré asimiromhuri na isibrob'õ norĩ hã 're pawaptob za'ra wa'aba mono da, ãne na si hã wẽ wa.