Provébiu 21:4 - ꞌRe Ihâimana Uꞌâsi Mono Zadawa Wasuꞌu

⁴ Iwasété norĩ hâimana wasétézé hã ãne; 'râwi 're isi'madâ'â ze za'ra mono zé, duré tiwẽ na sina 're iwata za'ra mono zé.

Provébiu 21:4 ပူးပေါင်းရင်းမြစ်များ

Salmu 10:4

Aibâ iwasété ma hã, tarére hã 'Re ihâimana u'âsi mono hã. 'Râwi 're isi'madâ'â zei mono zarina, te ãne te te sima 're rosa'rata: “Ĩma hã, 'Re ihâimana u'âsi mono hã marĩ dai õ di.”

Provébiu 15:8

Danhimizama zada iwasété norĩ, Uburé Danhib'apito ma, te te 're isõmri za'ra mono hã tãma 'ru ti. Tane nherẽ, iwẽ norĩ, tãma 're imreme zusi mono zép si, tãma wẽ uptabi di.

Provébiu 21:27

Danhimizama zada iwasété norĩ, Uburé Danhib'apito ma da, te te 're isõmri za'ra mono, tãma hã 'ru ti. Duré da te dasima 're irosa'rata waima za'ra mono zarina, da te 're sõmri za'ra mono wamhã, ta hã wasété uptabi di.

Provébiu 24:20

E marĩ wa. Niwa apto'o ré niha na 're ihâimana za'ra mono zéb da hã marĩ õ uptabi wa za, aiwa rob'uiwẽzé idâ'â pesere ne wa za.

Provébiu 30:13

Ni'wam norĩ 're isi'madâ'â ze za'ra mono zarina, te tô wata tete na te te 're da'madâ'â za'ra.

Provébiu 6:16

7 na marĩ iwasédé, Uburé Danhib'apito ma i'ru, ã norĩ hã: 'râwi 're idasi'madâ'â ze za'ra mono, dazadawa nhipe, danhib'rata na iwẽ pãrĩ, danhimirosa'rata wasété na da te dasima 're irowa'õtõ za'ra mono, marĩ 'manharĩ wasété zéb da, sa'ẽtẽ dapara hã te te 're idanhimroi mono, dazadawa nhipese na dama dawasu'u, duré dasiwaihu'u 'rem nherẽ, dasi'wapé zani'wa.

Provébiu 8:13

Uburé Danhib'apito, da te 're wazéb za'ra mono wamhã, uburé marĩ iwasété da, 're idanhiti'ru za'ra mono zé, te wasu'u. 'Râwi 're idasi'madâ'â ze za'ra mono zé hã ĩma 'ru ti, dasina 're idawata za'ra mono zéb zama, dahâimana wasété zama, duré damreme wasété zama.

Luca 11:34

Tane duré dato hã, aiwa rob'uiwẽzé me. Datõmo wẽ wamhã, dama rob'madâ'â wẽ di. Datob'a wamhã, dama rob'madâ'â waihu'u õ di. Tane duré, a norĩ wa'wa hã asimirosa'rata wẽ za'ra wa'aba wamhã, te za iwẽ hã asimirosa'rata na 're iwaihu'u za'ra wa'aba mo. Duré, asimirosa'rata wasété za'ra wa'aba wamhã, iwẽ hã 're waihu'u za'ra wa'aba mono õ di za.

Luca 18:14

Tahawa, ma tô Zezusi hã dama tinha, ãne: — Tô sena, wa aima waihu'u za'ra wa'wa. Rob'uiprazé arĩ ubumroi'wa si, rowẽ na te apâ mo tinhorõwa u, farizeu upana. E marĩ wa. 'Re ihâimana u'âsi mono te te wẽsãmri wa, tãma isiwasu'uzém na, duré wasété nherẽ, marĩ te te 're i'manharĩ wasété mono na, te te 're 'madâ'â mono õ wab zama. Ni'wam norĩ hã danhipai u wẽ newa, tiwẽ na sina 're wata za'ra mono wamhã, 'Re ihâimana u'âsi mono, te za tãma pisutu za'ra, wapu na dama 're hâimana za'ra mono da. Duré ni'wam norĩ hã tiwẽ na sina 're wata za'ra mono õ wamhã, 'Re ihâimana u'âsi mono, te za tãma pisutu za'ra, pire na dama 're hâimana za'ra mono da.

Roma 14:23

Tane nherẽ, ni'wam norĩ hã romnhi siwa'ru te te 're huri mono nherẽ, 'râwi ãma 're siwawã za'ra mono wamhã, 'Re ihâimana u'âsi mono hã te za te te 're wẽ'õ za'ra, tisa na 're isiwawã za'ra mono zéb zarina. Tane hã marĩ hã wa te 're 'manharĩ za'ra mono nherẽ, 'râwi ãma 're wasiwawã za'ra mono wamhã, taha na wa za wawasédé hã wa te 're 'manharĩ za'ra.

1 Pedru 5:5

Ipréduptém norĩ, iprédum norĩ mreme si te za 're iwapari pese za'ra wa'aba mo. Isazei'wa norĩ, aihĩni te za romhuri na 're asipawaptob za'ra wa'aba mo, aipire na 're asi'madâ'â za'ra wa'aba mono ãna. Duréihã ãne na ma tô rob'ui'éré, 'Re ihâimana u'âsi mono zadawa 'mahârâ'wa hã: “Dapire na 'râwi 're idasi'madâ'â ze za'ra mono norĩ da si, te za 're hâimana, 'Re ihâimana u'âsi mono hã. Dapire na 'râwi da te dasi'ãma 're irosa'rata za'ra mono õ norĩ si, te za te te 're apawaptob u'âsi.”