Provébiu 21:25 - ꞌRe Ihâimana Uꞌâsi Mono Zadawa Wasuꞌu

²⁵ Iwa'a, marĩ na te te sima 're irob'ruiwapari mono na te za 'râwi tinhimirosa'rata na taré 're sipãrĩ niha da ne, duré niwamhã romhuri na tinhib'rada hã te te 're nomri mono õ wa.

Provébiu 21:25 ပူးပေါင်းရင်းမြစ်များ

Provébiu 12:24

Ni'wa hã tinhiptede te te sima 're 'manharĩ mono wamhã, te za dama i'rãnho'õmo na 're hâimana. Tane nherẽ, iwa'a norĩ hã te za danhib'a'uwẽ na hã te te dama 're romhuri za'ẽtẽ u'âsi za'ra.

Provébiu 12:27

Aba'wa iwa'a hã tinhisõpãrĩ nhi hã te te sima 're isebre za'ra mono da hã mare di. Romhuri pese 'wa norĩ si te za sibro pese na 're hâimana za'ra.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 15:19

Iwa'a norĩ 're inomro mono zé bâdâdi na hã 'wabzéré hã ahâ di. Tane nherẽ, sena na 're ihâimana za'ra mono norĩ nhibâdâdi hã iharé na si.

Provébiu 19:24

Sima iwa'a, tizadawa u tisa hã te te sima 're zai waihu'u mono õ di, wa'a uptabi wa.

Provébiu 20:4

Rob're'wa iwa'a hã, rob'rezé uwaibaba te te iti'ai hâipo'o mono õ hã, te te dame 're iroptehâri mono da hã mare di.

Provébiu 22:13

Iwa'a hã te za tinha ãne: “'Ripara hawi rob u ĩwatobro wamhã, hu'u zérépa te za ĩ'â.”

Provébiu 26:13

Iwa'a hã te za tinha ãne: “Hu'u zérépa te bâdâdi wamhã nhamra. Te te ĩ'âri wamhã, bété.”

Provébiu 26:16

Iwa'a hã te duré si'ãma 'râwi te te 're rosa'rata, 7 na aibâ norĩ i'uwaibaba na si 're isimizada'âbâ za'ra mono nhipai u marĩ tãma iwaihu'u pese na hã.

Mateu 25:26

— Tawamhã isib'apito, te ãne asa tãma tinha: “A hã ĩma romhuri wasété 'wa. Aiwa'a uptabi di. Ma tô ĩ'ãma irosa'ra, marĩ hã date nherẽ, te dawi ĩsima 're i'awaibui mono na, ĩte da. Ãne ma tô ĩ'ãma asima, irosa'ra.

Zozué 7:3

Tawamhã oto apâ sihutu wamhã, ma tô ãne Zozuéhé ma rowasu'u za'ra: — Uburé aihĩni pese iwasi'aba'ré da hã mare di za. Tahawa te za 2 miu na wahâiba za'ra na si iwazatõrĩ za'ra, aibâ norĩ hã, niha wamhã duré 3 miu na wahâiba za'ra na, Ai hã te te siwi i'wapé da hã, õmemhã da'umrore na 're dahâimana za'ra mono wa.