Provébiu 21:20 - ꞌRe Ihâimana Uꞌâsi Mono Zadawa Wasuꞌu

²⁰ I'rãi waihu'u wẽ norĩ, te tinhimarĩ na ibâ na si 're hâimana za'ra, dasa norĩ iwahuré na si. Tanei õ di, isimiza'rese'õ norĩ hã. Ta norĩ hã te taré uburé tinhimarĩ marĩ na si te te 're uprosi za'ra.

Provébiu 21:20 ပူးပေါင်းရင်းမြစ်များ

Salmu 112:3

Isõrõwa ãma hã simarĩ ahâ uptabi di. Duré õhõ ma, te za 're ihâimana wẽ mono zé wa'rãmimhã iwẽ na si marĩ hã tãma 're pusi.

Salmu 23:5

Dasa isa'ẽne hã te ĩma 're i'a'manharĩ u'âsi mo, ĩnhitob'ru norĩ tõmo nho'a hã. A hã te ĩpire na 're ĩnhimizusi mo. Te duré ĩnhimihâsizé hã ĩma 're i'masisi mo, taré 're ipu'u mono zéb u.

Provébiu 10:22

Uburé Danhib'apito nhimipawaptobzé wẽ zarina te za danhimarĩ hã dama 're wairébé. Tahawa, duré ni'wa 'râwi tinhiptete na hã te te ãma sisiwi waihu'u õ di, tinhimarĩ na hã.

Provébiu 14:24

I'rãi waihu'u wẽ norĩ hã te za tinhimarĩ hã te te sima 're sani za'ra. Tane nherẽ, isimiza'rese'õ norĩ hã te za tinhimiza'rese õ zarina niha na romhâimanazé hã te te sima 're sani za'ra.

Provébiu 15:6

Wẽ na 're ihâimana mono nhorõwa 'remhã te marĩ ahâ na hã 're simi'wara. Tazahã, iwasété norĩ ma, te isimarĩ tãma 're ihâimana za'ra mono hã ropire te te tãma 're sõmri za'ra.

Provébiu 22:4

Ni'wa, Uburé Danhib'apito te te 're wazé mono wamhã, duré wapu na dama 're si'madâ'â mono wamhã, te za tinhimarĩ hã te te sima 're azani. Taha zarina te za duré da te dasiwi 're wazé pese. Te za duré 're hâimana hâ, ta hã.

Provébiu 8:21

Ĩzawi pese 'wa norĩ hã wa te te 're pisutu u'âsi za'ra, 're simarĩ ahâ pese za'ra mono da hã. Wa duré isimirob za'ra zé isõrõwa 'remhã te tãma ãma 're a'rinhito.

Mateu 25:8

Tawamhã hâimana nhimiza'rese ãna 're ihâimana za'ra mono norĩ hã ma tô tiwi rowaptẽrẽ za'ra, tihâiba amo norĩ wi, hâimana nhimiza'rese sina 're ihâimana za'ra mono norĩ wi: “Ma'ãpé suru na wama sa'wari za'ra wa'aba, âro'ore na rob'rãi wa'u to hã. Âro'ore hã wate za'ra hã te za oto wawi tidâ'â za'ra.” Ãne te pi'õ ipréduptém norĩ hã tisiré norĩ wi rowaptẽrẽ za'ra.

Luca 15:14

— Tawamhã tinhibro hã ma uburé uprosi pese oto, ai'repudu hã. Tawamhã tame darob ãma 're idasi'ubumroi mono norĩ hã ma tô duré mram na 're dasi'ubumro. Dasai õ di. Tahawa, ma tô ai'repudu hã mra hã dame sépata.

Luca 16:1

Zezusi hã te duré ãne tãma rowasu'u za'ra, tisiré 're inomro mono norĩ ma: — Aibâ hã te 're hâimana, isibrob ahâ hã. Tãma iromhuri'wa hã te duré 're sãmra, tãma rob'madâ'â'wa hã. Tawamhã ma tô tãma 'mairowasu'u ni, ãne: “Rob'uiprazé hã te te aiwi 're anhimini, aima rob'madâ'â'wa hã.” Ãne te tãma 'mairowasu'u ni.