Provébiu 21:15 - ꞌRe Ihâimana Uꞌâsi Mono Zadawa Wasuꞌu

¹⁵ Sena na i'uwaibaba na da te dasima 're rowairébé za'ra mono wamhã, te za iwẽ norĩ si te te sima 're romhu'u za'ra. Tane nherẽ, iwasété norĩ si te za duré pẽ'ẽwara na si 're hâimana za'ra.

Provébiu 21:15 ပူးပေါင်းရင်းမြစ်များ

Salmu 112:1

Uburé Danhib'apito ãma 're wawata u'âsi za'ra wa'aba mono! Ni'wa, Uburé Danhib'apito wazép sina 're isãmra mono hã, duré isimiroti te te 're iwapari zei u'âsi mono hã te za to sina 're hâimana.

Salmu 119:16

Asimiroti ĩma ise zarina, aimreme na hã 're ĩpo're simrami waihu'u mono õ di.

Salmu 119:92

Asimiroti hã te te ĩma 're rowẽ zani mono õ 'wa'âhã, te 're irobzépata mono zé hã te aré tô ĩwĩrĩ pese.

Salmu 40:8

Ĩte 'Re ihâimana u'âsi mono, ĩma 're i'apisutu mono zéb zarina, marĩ te 're i'a'manharĩ mono da hã ĩma sei uptabi di! Asimiroti wa tô ĩpẽ'ẽ 'remhã te ĩsima 're tété u'âsi.”

Provébiu 10:29

Uburé Danhib'apito, i'uwaibaba na si 're ihâimana za'ra mono norĩ 'wawimhã te 're simapa. Tane nherẽ, marĩ iwasédé te te 're i'manharĩ za'ra mono norĩ ma hã te za te te 're i'uprosi za'ra mono zéb da si, te te tãma 're apisutu.

Provébiu 21:12

'Re ihâimana u'âsi mono, sena uptabi 're ihâimana mono hã te iwasété norĩ nhorõwa hã te te 're ab'madâ'â. Taha zarina te ropipa hã te te tãma 're apisutu.

Provébiu 21:16

Ni'wa tinhimiza'rese wẽ te te rẽme wamhã, te za 're idadâ'â za'ra mono zép te na si oto 're hâimana.

Provébiu 5:20

Ĩ'ra, e marĩ da, te za pi'õ siwa'ru 're ihâimana mono hã 're i'a'ruiwapari mono zarina 're i'mazawi hutu mo. E marĩ da, te za pi'õ, aibâ aimawi mro hã 're mrami mono sina iré 're aipasito mo.

Mateu 7:23

Tane nherẽ, wa za wa hã ĩsi'uihâ na tãma nharĩ za'ra, ãne: “Te aiwaihu'u za'ra wa'aba õ di, ĩzazei'wa na. Marĩ iwasété si ma tô 're i'manharĩ u'âsi za'ra wa'aba mo. Mo oto ai'aba'réi wa'aba, ĩnhiti.” Ãne wa za ta norĩ ma hã nharĩ za'ra, misi haré.

Zuwã 4:34

Tawamhã te Zezusi hã asa tãma nharĩ za'ra, ãne: — 'Re dasaihuri mono wamhã, dama 're rowẽ za'ra mono di za. Tane, wa hã. We ĩzatõrĩ'wa te te ĩ'ãma irotizé hã te ĩsina uwaimrami wamhã, ĩma rowẽ di za. Ĩnhimiromhuri hã te tãma uprosi wamhã, ĩma rowẽ di za duré.

Roma 7:22

Wa hã 'Re ihâimana u'âsi mono nhimiroti wẽ wasu'u na hã 'râwi wa tô te ĩsima 're wẽ u'âsi, ĩpẽ'ẽ 'remhã.