Provébiu 20:9 - ꞌRe Ihâimana Uꞌâsi Mono Zadawa Wasuꞌu

⁹ E 'wa ãne hã te te nharĩ waihu'u pese di: “Wa tô ĩsipese, ĩpẽ'ẽ 'remhã; tahawa ĩwasété ãna wa oto 're ĩhâimana.”

Provébiu 20:9 ပူးပေါင်းရင်းမြစ်များ

Salmu 51:5

Sena ĩpotozém hawim haré, te ĩwasédé hã ĩma 're hâimana. Ĩna wasãzém hawim haré, wa tô ĩwasété ré hã 're ĩnhamra tô.

Roma 3:9

Tawamhã wa norĩ hã zudeu norĩ hã e taré zudeu na 're wahâimana za'ra mono wa, te za, zudeu'õ norĩ hâimanazém nhipai u, te te 're wa'awẽsãmri, 'Re ihâimana u'âsi mono hã. Mare di. Uburé aiwapsi tãma 're idahâimana za'ra mono zé hã. Uburé dahâimana wasédé hã da te 're i'manharĩ za'ra mono na si te 're dahâimana za'ra, zudeu norĩ hã duré zudeu'õ norĩ zama. Dawasété hawi, dasi'uihâ na 're dawairébé waihu'u mono õ di, dama siptete wa, dawasédé hã. Ãne, wa tô aima waihu'u pari za'ra wa'wa.

1 Corĩtu 4:4

Ãhã na hã, 'Re ihâimana u'âsi mono wi, te ãma i'upazém na hã marĩ õ di, ĩnhimirosa'rata 'remhã oto. E taha zarina, tãma ĩ'umnhasi sina, iwasu'uwẽ te dama 're iwasu'u mono zé, te wasu'u. Mare di. Wanhib'apito si te za ĩwaihu'u, tãma ĩ'umnhasi na hã, duré tãma ĩ'umnhasi õ na hã.

Tiagu 3:2

Uburé wa norĩ hã wa wahâimanazém na wa te 're upa za'ra. Ni'wa hã timreme na te te 're upai mono õ 'wa'âhã, aré 're hâimana wẽ mono di. Duré tiwasédé hã te te 're 'manharĩ tõ mono da hã, te aré 'râwi siwi 're simi'rãmi, tãma waihu'u pese wa.