Provébiu 20:6 - ꞌRe Ihâimana Uꞌâsi Mono Zadawa Wasuꞌu

⁶ Da'ahâ na te dasiwaihu i'umnhasi na 're dasiwasu'u za'ra. Tane nherẽ, e 'wa dasiwaihu umnhasi uptabi na 're ihâimana mono, da te isõpẽtẽ da bâ. Waihu'u õ di.

Provébiu 20:6 ပူးပေါင်းရင်းမြစ်များ

Provébiu 20:5

Dapẽ'ẽ 're, 're idanhimirosa'rata za'ra mono zé hã aiwa ab're 'rehâ 're, â ihâimana ne hã. Tane nherẽ, ni'wa i'rãi waihu'u wẽ ma hã tãma waihu'u pese di, te te dawi 're i'ahâi'ré mono da hã.

Provébiu 25:14

Ni'wa te te ropisutu nherẽ, tinhibzari te te dama isõmri õ hã, aiwa hâiwa nhirõtõ hawi rowa'u tã 're ta'a mono da, te te 're isani mono õ ne hã.

Provébiu 27:2

Asi'uihâ na 'râwi hã asina 're aiwata mono õ di za, aimawi norĩ si ai'ãma 're wata pibui pese za'ra mono da.

Mateu 6:2

— Tahawa, isibrob'õ norĩ ma, marĩ hã tãma 're isõmri za'ra wa'aba mono zém na, da te 're aiwẽsãmri za'ra wa'aba mono da, dama 're asiwasu'u za'ra wa'aba mono õ di za. Ãne hã te ni'wam norĩ hã te te dama 're 'manharĩ za'ra, rowahutuzéb 're, duré 'ri nhi'riti na 're idahâimana za'ra mono norĩ ma zama. 'Re hâimana wẽ za'ra mono newa, te ta norĩ hã ãma 're dawata za'ra mono zô, ãne hã te te dama 're 'manharĩ za'ra. Tawamhã ãma 're dawata za'ra mono wamhã, taha na si te za tô ãma 're hâimana za'ra. 'Re ihâimana u'âsi mono nhoprubzé hã nimahã bâtâ na hã tãma 're hâimana za'ra mono õ di za. Tô sena, wa ãne hã aima waihu'u siromo za'ra wa'wa.

Luca 18:11

Zasi wamhã, hâiwi te oto za, farizeu hã, rob'uiprazé arĩ ubumroi'wa nhiti. Ãne ma tô mre: “'Re ihâimana u'âsi mono, ãhã na, wa za ai'ãma ĩwata. E marĩ wa. Wa hã ĩsiré aibâ norĩ ne, ĩwasété na 're ĩmorĩ õ di. Danhibrob zô, te 're rob'ruiwapari mono õ di. Wa hã rob'uiprazém na, dawi 're ĩnhipsaihuri mono õ di. Duré pi'õ na zama, dawi 're ĩnhipsaihuri mono õ di. Tahawa, wa za duré ai'ãma ĩwata, õhõ ne, rob'uiprazé arĩ ubumroi'wa ne, 're ĩmorĩ õ wa.

Luca 18:28

Tawamhã Pedru hã te tãma tinha, ãne: — Wa norĩ hã wa tô wanhorõwa hã wasipara rẽme za'ra ni, asiré 're wanomro mono da oto.

Luca 18:8

Mare di. Te te sima 're iwẽ za'ra mono zarina, te za tô te te 're pawaptob za'ra. Te za te te 're pawaptop su'u za'ra. Te te 're pawaptob za'ra mono nherẽ, e niha za, ti'ai ãma Dasiré Ipodo we apâ morĩ wamhã. E ti'ai ãma te za da te dasina 're i'umnhasi za'ra mono zé hã sina sõpẽtẽ.

Luca 22:33

Tawamhã Pedru hã te asa tãma tinha, ãne: — Apito, wa tô ĩsima wẽ, asiré da te ĩnherẽ da, duré ĩdâ'â da, aime.

Zuwã 1:47

Tawamhã te te sãmri wi, te Zezusi hã tãma tinha, Natãnaéhé ma, ãne: — Õhõta te wei mo, Izaraéu nhihudu uptabi hã 're imorĩ wẽ uptabi hã. Sadawa nhipese ãna hã te 're mo.

2 Corĩtu 12:11

Cristuhu zadawa wasu'u'wa na, asiwi ĩwaihu'u za'ra wa'aba õ wa, wa tô ĩnhimiromhuri wẽ na si aima ĩsiwasu'u za'ra wa'wa, ãne hã te ĩsima wẽ õ nherẽ. Ãté ĩnhimiza'rese'õ ne, wa tô ãne na aima ĩsiwasu'u za'ra wa'wa, a norĩ wa'wa hã dama 're ĩwasu'u wẽ za'ra wa'aba mono õ 'ru te. 'Re ihâimana u'âsi mono te te 're ĩpawapto mono õ 'wa'âhã, aré marĩ dai õ di, 're ĩhâimana mono zé hã tô. Tane nherẽ, Zezusihi zadawa wasu'u'wa newa, senai'õ na te te aima 're iroti za'ra wa'aba mono norĩ ma, ĩwapu na tãma 're ĩhâimana za'ra mono õ di.