Provébiu 20:30 - ꞌRe Ihâimana Uꞌâsi Mono Zadawa Wasuꞌu

³⁰ Da'ahârizé te za danhimi'manharĩ wasétézé hã te te dama 're apari, iwẽ na si we 're dahâimana za'ra mono da oto.

Provébiu 20:30 ပူးပေါင်းရင်းမြစ်များ

Salmu 89:32

wa za wa hã iwasété za'ra u'âbâmhã te tãma 're rob'manharĩ za'ra za. Wa za duré te tãma 're arob'manharĩ, marĩ na te te 're i'upa za'ra mono zarina.

Provébiu 19:25

'Râwi 're isi'madâ'â ze za'ra mono ma, te za da te tãma 're rob'manharĩ za'ra, simirosa'rata waihu'u prã na 're ihâimana za'ra mono norĩ hã sina 're iwata za'ra mono õ zé te te ãma 're waihu'u za'ra mono da. Duré ni'wa, i'rãi waihu'u wẽ ma hã da te tãma 're ipẽtẽ mono zarina, te za rowaihu iwẽ na hã te te sima ãma 're sa'ẽtẽ u'âsi.

Provébiu 22:15

Ai'uté norĩ iharé na te tô simiza'rese ãna marĩ hã te te 're 'manharĩ za'ra. Tane nherẽ, i'ahâri zarina te za tinhimiza'rese wẽ zé hã te te 're waihu'u za'ra.

Provébiu 27:6

Ni'wa wasiwaihu te te wama ipẽtẽ zarina, te te wa'u'a nherẽ, wama hã umnhasi u'âsi di. Tane nherẽ, asi'ru tinho'utu te te ai'âri wamhã, te za asi'madâ'â pe.

Hebreu 12:10

Ti'ai ãma wamama uptabi norĩ hã ma tô wanhimiza'rese wi te te 're wa'ahâ za'ra tô, 're waprédub za'ra mono õ ré hã. Wawasété na 'râwi 're wasiwaihu'u za'ra mono da, ma tô te te 're wa'ahâ za'ra, niwamhã i'uwaibaba uptabi õ nherẽ, damama norĩ nhimi'ahârizé hã. Tazahã, 'Re ihâimana u'âsi mono si, te i'uwaibaba si te te 're wa'ahâ za'ra. Te te 're iwa'apawapto mono da si, te za tô ti'ai ãma 're wanomro mono ré, te te 're wa'ahâ za'ra, wawasété ãna isine 're wahâimana za'ra mono da oto, wa norĩ hã.

1 Pedru 2:24

Cristu hã wedepo'o nhonhi'rãmi na dâ'â wamhã, ma tô wawasété wa, wawa'âbâ za'ra, wawasédé hã wa te oto 're 'manharĩ tõ za'ra mono da, wahâimana wẽ na si oto 're wahâimana za'ra mono da. Ihâiba na da te tãma irob'manharĩ wasétézém na, ma tô robzépata za'ẽtẽ. Taha zarina, a norĩ wa'wa hã rowẽ na te oto 're aihâimana za'ra wa'aba mo.