Provébiu 20:3 - ꞌRe Ihâimana Uꞌâsi Mono Zadawa Wasuꞌu

³ Uburé isimiza'rese'õ norĩ te waptu na tisi'wapé na hã dame 're hâimana za'ra. Ni'wa dasi'wapé nhiti 're ihâimana mono si dama wazéb u'âsi di.

Provébiu 20:3 ပူးပေါင်းရင်းမြစ်များ

Zenezi 13:7

Tahawa te Abrãhã nhimizama 'madâ'â'wa norĩ, rom na ãma 're sisada'âbâ za'ra, Loho nhimizama 'madâ'â'wa norĩ me hã. Tô taha wa, te duré zahadu tamemhã cananeu norĩ hã, perizeu norĩ me hã 're hâimana za'ra.

Zenezi 13:8

Tahawa, te nimahã bâtâ na Abrã, Loho ma tinha ãne: — Wa norĩ hã wasiwapru 'râwibre hã. Tahawa ibâi õ di, wasima iwazahi da hã. Duré ĩnhimizama na romhuri'wa norĩ, asimizama na romhuri'wa norĩ me sima 're isahi za'ra mono da hã, ibâi õ di.

Provébiu 14:17

Ni'wa i'rãi wa'ro su hã te tô marĩ iwẽ'õ hã te te 're ab'manharĩ, isimiza'rese'õ zarina. Tane nherẽ, te 'rã nhimiza'rese na 're ihâimana za'ra mono norĩ hã atãma na 're hâimana za'ra.

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.

Provébiu 16:32

Iwa'ro su'u õ norĩ hã wẽ uptabi di, isib'ru norĩ, isiptete norĩ nhipai u. Duré 'ri ahâ ãma da te 're i'ai'uté mono zém nhipai u, marĩ da te 're 'manharĩ za'ra mono tõ da, dasiwi 're idanhimi'rãmi za'ra mono zé hã wẽ uptabi di.

Provébiu 17:14

Damreme na dasi'ahâri, 're isãna'rata mono zé hã, aiwa â nhowadazé 're isipo'o na'rata mono ne hã te 're hâimana. Tahawa iwẽ hã ropsiwamnarĩ prãi ré, da te ãma 're irosahâri za'ra mono da si.

Provébiu 18:6

Isimiza'rese'õ, timreme zahi zarina, te za dasi'wapé hã te te 're azani. Te za duré ti'ahârizé hã te te sisada ãma 're azani.

Provébiu 19:11

I'rãi waihu'u wẽ norĩ hã dame 're si'rãi wa'ro su'u za'ra mono õ di. Duré dawasédé, da te tãma 're 'manharĩ mono nherẽ, te te da'ãma 're i'a'madâ'â mono õ zarina te za dasiwi da te 're wazé pese.

Provébiu 21:24

'Re isi'madâ'â ze mono waptẽrẽzé hã, da'ãma 're iwa'ẽi mono na. Ta hã te simiwazéb õ na 'râwi 're si'madâ'â zei u'âsi.

Provébiu 26:17

Ni'wa damreme na dasi'wapé tẽme itei õ nherẽ, õne haré isébré hã, aiwa wapsã rowẽ na te te ro'razâri ré ipo're na da te 're iwaibui mono ne hã.

Éfézu 4:32

Marĩ iwẽ na te za dama 're asõprub za'ra wa'aba mo, da'ãma 're aipẽ'ẽzé za'ra wa'aba mono sina. 'Re ihâimana u'âsi mono hã Cristu dazada dâ'â wa, te te ai'ãma 're 'madâ'â za'ra wa'aba mono õ di oto, 're i'manharĩ wasété za'ra wa'aba mono zé hã. Tahawa, a norĩ wa'aba ma, iwasédé hã da te aima 're 'manharĩ za'ra wa'aba mono nherẽ, isine dawasédé hã duré oto da'ãma 're 'madâ'â za'ra wa'aba mono õ di za.

Tiagu 3:14

Tane nherẽ, aipẽ'ẽ 're marĩ na 're da'ruiwapari za'ra wa'aba mono wamhã, duré marĩ iwẽ zô asima si 're asõpré wa'aba mono wamhã, hâiwa hawi dahâimanazém na rowaihu'u ré, 're aihâimana za'ra wa'aba mono õ di za. Ãne wa, hâiwa hawi dahâimanazém na rowaihu'u ré 're anomro aba mono newa, 'râwi asina 're aiwata za'ra wa'aba mono õ di za, 'râwi asimirosa'rata na asima 're asadawa nhipese za'ra wa'aba mono tõ da. Ãne 're dahâimana wasété za'ra mono wamhã, isazei'õ'wa nhimirosa'rata wasété zarina, duré Wa'uburé nhimirosa'rata zarina te za 're danomro. Hâiwa hawi, 'Re ihâimana u'âsi mono nhimirosa'rata zarina 're danomro mono õ di.

Tiagu 4:1

A norĩ wa'wa hã te aimreme na 're asi'wapé za'ra wa'aba mo. Te duré 're asisada'âbâ za'ra wa'aba mo. E marĩ wa. Asimirosa'rata wasété za'ra wa'aba zarina, marĩ zô asi'rep si asima 're rob'ruiwapari za'ra wa'aba mono wa.