Provébiu 20:27 - ꞌRe Ihâimana Uꞌâsi Mono Zadawa Wasuꞌu

²⁷ Uburé Danhib'apito ma tô dapẽ'ẽ 're danhimirosa'rada hã dama tisõ, ãma 're idasiwaihu'u za'ra mono zéb da hã. Tahawa, ni'wa 'râwi tihâimanazém na hã siwi simani waihu'u õ di.

Provébiu 20:27 ပူးပေါင်းရင်းမြစ်များ

Zenezi 2:7

Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na. Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.

Provébiu 20:28

Dama i'rãnho'õmo nhimizawizém na 're ihâimana mono zé hã duré dama i'umnhasizém na 're ihâimana mono zé hã te za te te 're siptete, tinhimi'madâ'âzém na te te ãma uzusi da hã.

Provébiu 20:30

Da'ahârizé te za danhimi'manharĩ wasétézé hã te te dama 're apari, iwẽ na si we 're dahâimana za'ra mono da oto.

Roma 2:15

Ta norĩ hã si'uihâ na 're hâimana wẽ za'ra mono wamhã, 'Re ihâimana u'âsi mono nhimiroti hã ipẽ'ẽ 're, tãma 're ihâimana u'âsi za'ra mono zé, te wasu'u. Duré iwẽ hã te te dama 're 'manharĩ za'ra mono wamhã, 'râwi te za tipẽ'ẽ na 're sisaze za'ra. Duré marĩ iwasédé hã te te 're 'manharĩ za'ra mono wamhã, 'râwi te za tiwasété na 're sisãmri za'ra. Tahawa, tipẽ'ẽ na 'râwi 're sisaze za'ra mono wamhã, duré 'râwi tiwasété na 're sisãmri za'ra mono wamhã, 'Re ihâimana u'âsi mono nhimiroti, ipẽ'ẽ 're, tãma 're ihâimana u'âsi za'ra mono zé, te wasu'u.

1 Corĩtu 2:11

Ni'wa hã 'râwi tipẽ'ẽ na tihâimanazéb da, te te sima 're i'awaihu'u mono zé hã, e 'wa hã te za imana 'rãmi hawim nherẽ, tiwi waihu'u bété. Mare di. I'upana nherẽ, da te tiwi waihu'u õ di za, ihâimanazé hã. Marĩ na 'râwi sima irosa'rata'wai ma si, tãma waihu'u pese di, 're ihâimana mono zé hã. Tane duré, 'Re ihâimana u'âsi mono hâimanazé hã Ipẽ'ẽzani ma si, waihu'u pese di. Taha wi hã, ni'wa te te duré waihu'u õ di.