Provébiu 20:21 - ꞌRe Ihâimana Uꞌâsi Mono Zadawa Wasuꞌu

²¹ Waptu na 're idasisimarĩ pese za'ra mono hã niwamhã te te ãma dama 're irowẽ zani za'ra mono da hã mare di.

Provébiu 20:21 ပူးပေါင်းရင်းမြစ်များ

Provébiu 13:22

Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Provébiu 20:20

Ni'wa timama ãma, duré tina ãma te te dama ãma wasété zahuré wamhã, te za ihâimanazé hã tiwi ai'utõ, rob'uiwẽzé hã da te 're simroi mono wa, robra uptabi si oto ihâimana mono ne.

Provébiu 20:22

Ãne hã nharĩ tõ: “Ĩma rob'manharĩ wasété 'wai ma, wa za ãma tãma wa'rã, ĩsi'ruiwa'âbâ da!” Uburé Danhib'apito si 'madâ'â, niha hã taha si te te aima hiri wẽ da, aihâimanazé hã.

Provébiu 21:6

Senai õ na dahâimanazéb zarina, marĩ da te dasima 're iwaibui mono hã awa'awi dawi 're isi'utõrĩ za'ra mono, dadâ'â da, 're idasisitob za'ra mono zém ne hã te dama 're hâimana, abaze mramizém ne.

Provébiu 23:4

Asisibro pese da, 're asipãrĩ mono tõ, romhuri na hã. Asimiza'rese wẽ zarina te za ãma 're irosahâri mo.

Provébiu 28:20

Sena na 're ihâimana za'ra mono norĩ pẽ'ẽ 'remhã, rowẽ za'ẽtẽ na hã te za tãma 're hâimana za'ra. Tane nherẽ, ni'wa duré waptu na 're isisimarĩ mono ma hã, tãma rob'manharĩ wasété ãna ihâimana da hã mare di.

Provébiu 28:22

Isõti hã te waptu na 're isisimarĩ pese za'ra mono da si, tinhimarĩ zô sima 're sõpré. Tane nherẽ, sisõwamhã te te rob'madâ'â waihu'u õ di, za isimarĩ'õzé bâdâ ipire, sô iwisizé hã.

Provébiu 28:8

Ni'wa hã rob'uiprazé te te dawi i'âri nhisiwi iwa'âbâ na isisiwi, sa'ẽtẽ na da te ãma tiwi 're hâimo mono zarina, 're idanhimarĩ pese za'ra mono te, rob'uiprazé hã te za isimarĩ'õ norĩ zawi'wai ma hã tãma tirẽ, siwaihu'u ãna.

1 Timotiu 6:9

Rob'uiprazéb zô, da te dasima 're rosa'rata siwamnarĩ u'âsi za'ra mono wamhã, ãté te za da te 're wapari za'ra, rob'uiprazém na wa'uburé te te dama 're i'aroti wasété mono zé hã. Ãne wamhã, ãté isimiroti hã da te 're rẽme waihu'u za'ra mono õ di za tô oto. Ãté rosa'rata ãna te za isimiroti zarina, marĩ zô si oto da te 're rob'ruiwapari za'ra, marĩ wasété zô zama. Ãne wamhã, te za oto dawi 're robzei'õ pese za'ra. Rowẽ u'âsi 're idanomro mono zé hã duré oto dama 're hâimana za'ra mono õ di za.