Provébiu 20:20 - ꞌRe Ihâimana Uꞌâsi Mono Zadawa Wasuꞌu

²⁰ Ni'wa timama ãma, duré tina ãma te te dama ãma wasété zahuré wamhã, te za ihâimanazé hã tiwi ai'utõ, rob'uiwẽzé hã da te 're simroi mono wa, robra uptabi si oto ihâimana mono ne.

Provébiu 20:20 ပူးပေါင်းရင်းမြစ်များ

Ezodu 20:12

— Aimama hã, duré ana te za 're iwazé pese za'ra wa'aba mo, ti'a te aima isõmri za'ra wa'aba 're, 're aihâimana hâ za'ra wa'aba mono da.

Provébiu 13:9

I'uwaibaba na si 're ihâimana za'ra mono norĩ hã te rob'uiwẽzé te te 're irowa'a pese mono zém ne 're hâimana za'ra. Tane nherẽ, iwasété norĩ hã aiwa rob'uiwẽzé idâ'â pese ne hã te 're hâimana za'ra.

Provébiu 20:21

Waptu na 're idasisimarĩ pese za'ra mono hã niwamhã te te ãma dama 're irowẽ zani za'ra mono da hã mare di.

Provébiu 24:20

E marĩ wa. Niwa apto'o ré niha na 're ihâimana za'ra mono zéb da hã marĩ õ uptabi wa za, aiwa rob'uiwẽzé idâ'â pesere ne wa za.

Provébiu 30:11

Timama ma, te te 're irob'manharĩ wasété za'ra mono hã te 're hâimana za'ra, duré tina ma, iwẽ te te 're i'manharĩ za'ra mono õ hã.

Provébiu 30:17

Ni'wa timama ãma 're wa'ẽi mono wamhã, duré ina si'ihi wa, te te 're wazé mono õ wamhã, te za sipahudu hã siwi ti'rẽ. Niha wamhã, te za duré sitoro corvo na isisi hã siwi tõmo zani.

Mateu 15:4

Duréihã 'Re ihâimana u'âsi mono hã ma tô ãne dama roti: “Aimama norĩ hã, te za ana me hã 're iwazéb za'ra wa'aba mo.” Ãne isimiroti amo hã duré: “Ni'wam norĩ hã timama nherẽ, duré tina nherẽ, te te ãma 're wasété za'ra mono wamhã, te za da te 're simro.” Ãne isimiroti hã duréihã te 're hâimana.

Mateu 22:13

Tawamhã apito hã ma tô ãne tãma iromhuri'wa norĩ ma nharĩ za'ra: “Ma'ãpé, ã hã aibâ hã asiwi âri aba, asiwi pawasisi aba da, duré asiwi hiwasisi aba da, rob u asiwi mei wa'aba da, robra u. Tawamhã tame te za oto sina tiwawa, sina pẽ'ẽzé wa. Te za duré 'wasitete, te te oto robzépata za'ẽtẽ wa.” Ãne ma tô apito hã tãma waihu'u za'ra.

Mateu 25:8

Tawamhã hâimana nhimiza'rese ãna 're ihâimana za'ra mono norĩ hã ma tô tiwi rowaptẽrẽ za'ra, tihâiba amo norĩ wi, hâimana nhimiza'rese sina 're ihâimana za'ra mono norĩ wi: “Ma'ãpé suru na wama sa'wari za'ra wa'aba, âro'ore na rob'rãi wa'u to hã. Âro'ore hã wate za'ra hã te za oto wawi tidâ'â za'ra.” Ãne te pi'õ ipréduptém norĩ hã tisiré norĩ wi rowaptẽrẽ za'ra.

Zuda 1:13

 sisasi hã 're isibzaihâ za'ra mono ne, te ta norĩ hã tãma 're rowẽ za'ra mono da newa, hâiwi si 're nomro, 're wa'utu za'ra mono ãna. Duré â nhibzaihâ zaipro iwasédé, supara 'ré u te te 're isãmra mono ne, te marĩ iwasété si te te 're 'manharĩ za'ra, ta norĩ hã. Wasi hã siwa'ru 're inomro mono ne, te duré ta norĩ hã siwa'ru 're hâimana za'ra, te te 're rob uptabi za'ra mono ãna. Ta norĩ ãma ma tô 'Re ihâimana u'âsi mono hã sima ãma roti siromo za'ra, za te te ihâ za'ra zém na hã. Robra si 're isa'wari mono zéb u te za satõrĩ za'ra, robra u'âsi u, iwa 're hâimana u'âsi za'ra mono da, tame.