Provébiu 20:19 - ꞌRe Ihâimana Uꞌâsi Mono Zadawa Wasuꞌu

¹⁹ Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tahawa imreme hâ norĩ nhiti romhâ na 're aihâimana mono.

Provébiu 20:19 ပူးပေါင်းရင်းမြစ်များ

Provébiu 11:13

Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tane nherẽ, dama i'umnha hã te za si'rep si te te sima 're tété.

Provébiu 13:3

Ni'wa tinhimirobzanhamri wasété wi, 're sisadawa uwati mono wamhã, te za tihâimana wẽ zém na hã 're si'madâ'â. Tane nherẽ, ni'wa siwa'ru te te 're robzanhamri hâ mono wamhã, te za 'râwi tihâimana wẽ zé hã te te siwi 're uprosi.

Provébiu 16:29

Rowasété 'manharĩ zei 'wa hã te za tisiwaihu hã te te sitẽme 're 'wani za'ra, bâdâdi iwasété na te te siré 're anhimroi mono da.

Provébiu 18:8

Dabâsi zei'wa norĩ mreme hã aiwa dasai wa'õtõre ise, dapẽ'ẽ u 're isisisi mono ne hã te 're hâimana.

Provébiu 24:21

Ĩ'ra, ma'ãpé Uburé Danhib'apito hã 're wazé mono, duré dama ipire norĩ zama. Duré ã norĩ da, sada 're ihâimana za'ra mono norĩ siré hã 're aihâimana mono tõ.

Roma 16:18

Ta norĩ hã Wanhib'apito Cristuhu ma, te te 're romhuri za'ra mono õ di. Te te sima 're iwẽ za'ra mono zéb zarina si, te marĩ iwasétére zô si hã sima 're sõpré. Ta norĩ hã sadawa nhipese nherẽ, te isimiroti hã sena newa da te 're wapari ze za'ra, danhimirosa'rata nhib'uware na 're idahâimana za'ra mono norĩ hã. Mreme wapari zei wa, duré asa imreme hã da te dasima 're wẽ za'ra mono da, te taré timreme amo na te te dama 're rowasu'u za'ra, da'ãma 're wata za'ra mono sina. Tawamhã taha zarina, te za awa'awi imreme na da te 're saze za'ra.