Provébiu 20:16 - ꞌRe Ihâimana Uꞌâsi Mono Zadawa Wasuꞌu

¹⁶ Ni'wa dasiré a'uwẽ'õ hâiba wapto'wa na marĩ wa'âbâ'wa da, dama 're hâimana mono da, te te sima wẽ wamhã, te za ti'uza hã sena na te te ãma 're idapawa'âbâ mono zé te te roptété da hã aima tisõ.

Provébiu 20:16 ပူးပေါင်းရင်းမြစ်များ

Provébiu 11:15

Ni'wa hã dahâiba wapto'wa na marĩ wa'âbâ'wa da, dama 're hâimana mono wamhã, te za te te 're robzépata. Ni'wa te te ãne hã 'manharĩ õ wapsi, te za sima iwẽ na rowẽ na hã 're hâimana.

Provébiu 2:16

Ãne wamhã, pi'õ iwasédé timreme nhipese na te te 're aipibui mono wamhã, te za asimirowaihu iwẽ hã te te 're aipawapto, imreme na ãma 're ai'uté mono da,

Provébiu 20:15

Ẽtẽ waipo pré oru hã ahâ na te 're hâimana za'ra, duré ẽtẽ waipo iwa'âbâ za'ẽne hã. Tane nherẽ, da'rãi waihu'u wẽ zarina damremezé hã iwa'âbâ za'ẽtẽ uptabi, ta hã.

Provébiu 20:17

Sena na dahâimana õ zarina dasa da te dasima 're iwaibui mono hã, isei uptabi. Tane nherẽ, da te 're huri mono parimhã, te za oto dazadawa na supara ne hã 're simi'wara.

Provébiu 23:27

Pi'õ iwa'âbâ zô 're isisõmri za'ra mono hã duré pi'õ marĩ 'manharĩ wasété 'wa hã ab're i'rehâ uptabi ne.

Provébiu 27:13

Ni'wa, dasiré a'uwẽ'õ hâiba wapto'wa na marĩ wa'âbâ'wa da, dama 're hâimana mono da, te te sima wẽ wamhã, te za ti'uza hã sena na te te ãma 're idapawa'âbâ mono zé te te roptete da hã dama tisõ.

Provébiu 5:3

Pi'õ siwa'ru 're ihâimana mono zaihâ hã aiwa te ropĩni ise ne 're hâimana. Duré aiwa azeitona wa'u tom ne hã mreme hâ su'u na te 're hâimana.

Provébiu 6:1

Ĩ'ra, e dahâiba wapto'wa na te marĩ wa'âbâ'wa na dama 're aihâimana mo.

Provébiu 7:10

Tawamhã pi'õ hã simirosa'rata nhipese na ma tô sô watobro, te te sõpẽtẽ da hã, pi'õ iwa'âbâ zô 're isisõmri mono, 're isi'uza za'ra mono zéb ré.

Provébiu 7:5

Ta norĩ hã te za pi'õ iwasété wi hã, duré imreme wazidi wi hã isiti ai'ãma 're pahâ, romhâ na.