Provébiu 20:13 - ꞌRe Ihâimana Uꞌâsi Mono Zadawa Wasuꞌu

¹³ Aptâ'â si hã asima 're sawi mono tõ. Ãnei õ wamhã, asimarĩ ãna te za 're aihâimana mo. 'Re atopo'o su'u mono, asa 're romnhimi'wara mono da, asazéb da hã.

Provébiu 20:13 ပူးပေါင်းရင်းမြစ်များ

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 12:11

Ni'wa hã tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, ta hã isimiza'rese'õ.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 19:15

Dawa'a hã te za aptâ'â si te te dama 're sõmri za'ra. Duré iwa'a hã te za mra hã te te 're sépata.

Provébiu 20:14

Rob'uipra'wa hã te za tinha ãne: “Wa'âbâ za'ẽtẽ di ã hã”. Tane nherẽ, oto watobro parimhã, 'râwi isi'madâ'â ze zarina te za dama siwasu'u, te te irob'uipra wẽ na hã.

Provébiu 28:19

Ni'wa tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, te za simarĩ õ u'âsi 're hâimana.

Provébiu 31:15

Bâdâ 'rãi watobro õ ré, te za udu, 'ri 're ihâimana za'ra ma, dasa te te 're ab'manharĩ mono da hã, duré tãma iromhuri'wa norĩ ma, te te tãma 're apisutu mono da, isimiromhuri za'ra hã.

Zona 1:6

Tawamhã uba're 're, da'madâ'â'wa hã ma tô tame sõpẽtẽ, sõtõ ré. Tahawa, te ãne tãma tinha: — E niha te a hã aiprédu ma asõ. Ai'utu, rowaptẽrẽ da, ate ihâiba'õ ãma 're i'aiwata mono wi, te te aipawaptob da. Ãté ta hã te za wa'ãma tipẽ'ẽzé za'ra, wasi'utõrĩ tõ da.

Roma 12:11

Aiwa'a ãna, te za duré 're iromhuri pese za'ra wa'aba mo. Wanhib'apito ma si, te za asimi'ẽi uptabi na 're iromhuri u'âsi za'ra wa'aba mo, aihâiba tiwi 're sawi za'ra wa'aba mono ãna.

Roma 13:11

Zezusi hã we apâ wazô imorĩzéb u hã romhuture di oto, te te iwanho'reptu za'ra zé hã te te oto wama i'rãsutu za'ra da hã. Cristu hã duréi, wa te wasina 're i'umnhasi na'rata za'ra mono hawim nherẽ, romhuture di oto, wama hã. Tahawa, te za oto asimiza'rese 're aihâimana za'ra wa'aba mo, darési ãna 're idanhotõ za'ra mono ne, asimiza'rese ãna 're aihâimana tõ za'ra wa'aba mono da. Ãne na ti'ai ãma 're iwahâimana hutu za'ra mono zé hã aima waihu'u pese za'ra wa'aba di. Ãne wa, te za 're idazawi pese za'ra wa'aba mo.

1 Corĩtu 15:34

Ni'wam norĩ hã asiré 're ihâimana za'ra wa'aba mono norĩ hã 'Re ihâimana u'âsi mono hã 'râwi te te 're waihu'u za'ra mono õ di. E ãne na 're siséb za'ra mono ãna. Asimiza'rese ãna 're aihâimana za'ra wa'aba mono zém hawi, te za oto aipizari za'ra wa'wa, aiwasédé hã rẽme pese za'ra wa'aba da, aiwẽ uptabi na si 're anomro aba mono da oto.

2 Tesalonita 3:10

Ai'rata 're wahâimana za'ra wa'aba mono ré hã, wa tô ãne na nasi aima roti za'ra wa'aba ni: “Ni'wa hã, te te 're romhuri mono õ wamhã, dame 're sai mono õ di za, mram na hã.”