Provébiu 20:12 - ꞌRe Ihâimana Uꞌâsi Mono Zadawa Wasuꞌu

¹² Uburé Danhib'apito ma tô wato hã te te wama 're ab'manharĩ, wa te ãma 're irob'madâ'â za'ra mono zéb da hã. Duré wapo're, ãma 're iwanhimipari za'ra mono zéb da hã ma tô te te wama 're ab'manharĩ.

Provébiu 20:12 ပူးပေါင်းရင်းမြစ်များ

Salmu 119:18

Ma'ãpé ĩto hã ĩma 'ridawa zahuré na, asimiroti iwẽ uptabi sena hã te ãma 're 'madâ'â mono da.

Salmu 94:9

E dapo're 'manharĩ'wa hã 're simipari mono õ di bété. Te 're simipari! E datõmo 'manharĩ'wa hã marĩ te te 're ab'madâ'â mono õ di bété. Te te 're ab'madâ'â tô!

Ezodu 4:11

Tawamhã Uburé Danhib'apito, te ãne tãma tinha: — E 'wa hã ma tô dazadawa ãma 're idamreme zusi mono zéb da hã te te dama 're ab'manharĩ. E 'wa hã dapo'reptõ 'manharĩ'wa, dapo're 're pu'u ãna iré 're idahâimana za'ra mono da hã. E 'wa hã duré damreme'õ 'manhari'wa, damreme õ na 're danomro mono da hã. E 'wa hã datõmo 'manharĩ'wa, da te ãma 're irob'madâ'â za'ra mono zéb da hã. Duré e 'wa hã datõmo wamnarĩ'wa, datob'a na 're danomro mono da hã iré. Wa hã, Uburé Danhib'apito.

Provébiu 25:12

Ni'wai ma, i'rãiwaihu'u wẽ te te tãma ipẽne hã te te iwapari ze zé hã, danhiptõmo hi wasisizé oru na i'manharĩ nhipai u iwẽ uptabi, duré oru na marĩ da te 're i'manharĩ za'ra mono norĩ nhipai u zama iwẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:18

Datob'a ne 're danomro mono wa, da te 're idato pese za'ra mono ne, te za 'Re ihâimana u'âsi mono nhimiroti na 're ipo're pu'u za'ra mo, zudeu'õ norĩ hã. Robra na 're inomro mono hã te za 're i'awaibui mo, rowa'a na oto 're nomro mono da, ta norĩ hã. Satanasihi nhiptetezém hawi te za 're i'apizari mo, 'Re ihâimana u'âsi mono niwĩ 're nomro mono da oto, te te sina 're ĩ'umnhasi za'ra mono zéb zarina, 'Re ihâimana u'âsi mono hã iwasédé hã te te tãma 're apari mono da, duré ãma 're sib'a'uwẽ za'ra mono da oto dame.” Tawamhã Paulu te duré siwasu'u, ãne:

1 Corĩtu 12:17

Duré, wahâiba na watõmo si wama 're hâimana za'ra mono 'wa'âhã, e niha wa aré 're wanhimipari za'ra. 'Re wanhimipari waihu'u za'ra mono õ di aré, tô. Duré wahâiba na wapo're si wama 're hâimana za'ra mono 'wa'âhã, e niha wa aré duré 're wanhimhã za'ra. 'Re wanhimhãi waihu'u za'ra mono õ di tô aré.