Provébiu 2:9 - ꞌRe Ihâimana Uꞌâsi Mono Zadawa Wasuꞌu

⁹ A hã ĩwapari wamhã, marĩ i'uwaibaba na si, duré sena na 're dahâimana za'ra mono wa, da te 're i'manharĩ za'ra mono zé hã te za i'awaihu'u mo.

Provébiu 2:9 ပူးပေါင်းရင်းမြစ်များ

Salmu 119:105

Aimreme hã ĩpara ma rob'uiwẽ'wa. Duré te te ĩma 're ibâdâdi uiwẽ mono 'wa.

Salmu 119:99

Wa tô te 're waihu'u wẽ pese, ĩma romnhoré'wa norĩ nhipai u, asimiroti na te ĩsima ãma 're rosa'rata zei u'âsi mono wa, ĩma iwẽ zarina.

Salmu 32:8

Uburé Danhib'apito te ĩma tinha ãne: “Bâdâdi iwẽ na wa za ãma aima te 're rowasu'u, nimomo 're i'ane mono da hã. Wa za te 're asaprõni u'âsi. Duré wa za te 're ai'madâ'â pese.

Provébiu 28:5

Iwasété norĩ ma hã waihu'u za'ra õ di, i'uwaibaba na da te dama 're irowairébé za'ra mono zé hã. Uburé Danhib'apito hawim na si 're hâimana za'ra mono da, sima sô 're isõpré mono norĩ ma si, tãma waihu'u pese za'ra di.

Provébiu 4:12

Asimirowaihu'u wẽ na si 're aimorĩ wamhã, niwamhã ate bâdâdi iwẽ hã asiwi i'wa'rutu da hã mare di. Duré niwa 're asamroi mono wamhã, 're i'ai'marõpãrĩ mono da hã mare di za.

Provébiu 4:18

I'uwaibaba na si 're inomro mono norĩ nhibâdâdi hã te tãma 're hâimana za'ra, bâtâ ro te te 're irowapré mono wim ne, te te 're irowa'a pese mono zéb u hã.

Provébiu 8:20

Wa hã bâdâdi sena na 're ĩhâimana mono na wa 're mo. Duré i'uwaibaba zarina si wa 're mo.

Zuwã 14:6

Tawamhã Zezusi ma te asa ãma tãma wa'rã ãne: — Wa hã bâdâdi uptabi na, wa ĩsiwasu'u, duré tô sena na rowaihu'u wẽ nhomri'wa na, duré 're idanomro u'âsi mono zé nhomri'wa na. Tahawa, ni'wa hã ĩ'ãma 're morĩ õ nherẽ, Ĩmama u hã wisi waihu'u õ di za.