Provébiu 2:6 - ꞌRe Ihâimana Uꞌâsi Mono Zadawa Wasuꞌu

⁶ Uburé Danhib'apito si rowaihu'u wẽ nhomri'wa hã. Ta hawip si te duré da'rã nhimiza're hã we 're ne.

Provébiu 2:6 ပူးပေါင်းရင်းမြစ်များ

Esdra 7:25

“Esdra, a hã, 'Re ihâimana u'âsi mono ai'rãi waihu te te aima isõmri dâ'âsina te za ida'apisu, da'madâ'â'wa da hã, duré da'ãma rowairébé'wa da hã daza'rui wa'õno Eufrati bâtâ zasizém niwĩmhã, uburé a'uwẽ te te 're 'madâ'â za'ra mono da hã, ate, 'Re ihâimana u'âsi mono nhimiroti tãma iwaihu'u pese norĩ hã. Tawamhã a hã, ã tãma iwaihu'u õ norĩ ma hã te za ãma tãma 're irowahutu za'ra mo.

Neemia 7:5

Tahawa ĩpẽ'ẽ 're ĩnhimirosa'rada hã ma tô 'Re ihâimana u'âsi mono hã ĩma tisẽ, uburé te da'ubumro da hã, dama i'rãnho'õmo norĩ hã, duré dama ipire norĩ hã, da'upsãtã mono bâ danhisi na te te ãma irob'ui'éré za'ra da hã, ipire na. Tawamhã wa hã itepãi wasi hã wa tô sõpẽtẽ, imorĩ'rata na Babilonia hawi apâ we isihutu norĩ nhisi na rob'ui'éré ré hã. Ãhãta ãne na danhisi na rob'ui'éré:

Salmu 119:104

Ĩ'rã nhimiza're hã te asimiroti hawim na te te ĩma sina 're hâimo. Tahawa, bâdâdi senai'õ da hã wa sada 're ĩnhiti'rui pusi.

Salmu 119:34

Ma'ãpé ĩ'rãiwaihu ĩma 're sõmri mono, asimiroti te ãma ĩsima 're tété mono da, duré ĩpẽ'ẽ na ãma 're ĩmorĩzém na te ãma 're uwaimrami u'âsi mono da.

Salmu 119:98

Asimiroti hã te õne u'âsi ĩma 're hâimana. Ta hã te duré te te ĩma 're 'manharĩ, ĩnhitob'ru norĩ nhipai u, ĩ'rãiwaihu'u pese na 're ĩmorĩ da.

Salmu 19:7

Uburé Danhib'apito nhimiroti hã wẽ uptabi na te 're hâimana. Te duré wanhiptetezé ité hã te te wama 're anhomri. Tô ibâre isimiroti hã umnhasi na dama 're ihâimana mono zéb zarina, te rowaihu'u prãi'wa norĩ ma, rowaihu iwẽ hã te te tãma 're anhomri.

Salmu 19:8

Uburé Danhib'apito marĩ na te te ãma dama 're irowahutu mono zé i'uwaibaba na si, te dapẽ'ẽ 're rowẽ za'ẽtẽ zé hã te te dama 're anhomri. Duré isimiroti i'uptabi na sõ'awi marĩ te te wama 're ahâi'ré mono wa, te duré wa'rãi 'remhã te te wama 're arowa'a.

Salmu 51:6

A hã, dapẽ'ẽ 're, sena na i'uwaibaba na si 're idahâimana za'ra mono zép si aima iwẽ hã. Tahawa ma'ãpé ĩpẽ'ẽ 'remhã asimirowaihu iwẽ hã ĩma sa'ẽtẽ.

Salmu 94:10

E daro mono bâ a'uwẽ te te 're i'ahâ za'ra mono 'wa hã te za tinhimihâzém na hã te te dama 're aba'a. Duré uburé dama rowaihu'u wẽ nhomri'wa hã e te 'rãnhimiza'rese ãna 're hâimana bété. Mare di.

Ezodu 31:3

ĩpẽ'ẽzani sa'ẽtẽ na te tãma sõmri da. Wa tô rowaihu hã, isipe hã, duré uburé marĩ te te ãma 're i'ab'manharĩ waihu'u pese mono zé hã tãma tisõ,

Provébiu 6:23

E marĩ wa. Isimiroti zahuré zé hã rob'uiwẽzém ne te aima 're hâimana. Duré isimiwaihu'u zahuré zé hã 're idahâimana wẽ za'ra mono waihu'uzéb da, te aima 're hâimana.

Daniéu 1:17

Tawamhã 'Re ihâimana u'âsi mono, ma tô rob'ui'éré zadaihu'uzé hã tãma sõmri za'ra, maparane si'uiwa na iprédupté ihâiba za'ra ma hã. Babilonia norĩ nhimirowaihu'uzéb zama ma tô duré tãma sõmri za'ra. Tane nherẽ, Daniéu ma si, ma duré aimawi tãma tisõ, da te 're irosawẽrẽ za'ra mono zém na duré danhotõ 'rowim ne, marĩ, da te 're i'madâ'â za'ra mono zé hã te te ãma dama 're azaprĩ mono da.

Daniéu 2:21

Õhõ si te za niha hã we 're iromhâimana mono zém na hã te te ãma 're azaprĩ. Õhõ si te za duré apito da hã te te 're da'a'maza. Õhõ si te za duré apâ te te 're da'azani. Duré õhõ si te za rowaihu'u pese 'wa norĩ ma hã rowaihu iwẽ hã te te tãma 're anhomri. Õhõ si te za duré i'rã nhimiza'rese norĩ ma hã isimiza'rese wẽ hã te te tãma 're anhomri.

Daniéu 2:23

Ĩhi'rata norĩ te, 'Re ihâimana u'âsi mono, wa ai'ãma ĩwata, a hã rowaihu iwẽ na duré ĩnhiptetezém na ãma ĩma asõprub zahuré wa. Ma tô duré iwapa, ãma aima iwamreme zusizé hã, ãma iwazada'âbâ za'ra zém na, apito nhimirosawẽrẽ hâi'rézém na hã.”

Luca 21:15

Wa hã wa za te 're aipawaptob za'ra wa'wa, danhib'apito norĩ ma, 're asiwasu'u za'ra wa'aba mono zéb da hã. Ãne wa, aimreme wẽ na te za aiwẽ'õ'wa norĩ hã 're isõwada za'ra wa'aba mo.

Zuwã 6:45

Duréihã ma tô ãne na rob'ui'éré, 'Re ihâimana u'âsi mono zadawa 'mahârâ 'rata 'wa hã: “Timreme te za te te dama 're awaihu'u, 'Re ihâimana u'âsi mono hã.” Ãne ma tô ãma rob'ui'éré. Tawamhã Ĩmama, timreme te te dama 're i'awaihu'u mono na, da te ãma 're sazei pese za'ra mono wamhã, ĩmreme na zama te za duré da te 're ĩzazei pese za'ra.

Tiagu 1:17

'Re ihâimana u'âsi mono hã hâiwa na rob'uiwẽ'wa 'manharĩ'wa hã, hâiwa hawi ma tô marĩ iwẽ na uburé we dama 're sõpru, iwẽ uptabi na si. Ta hã tihâimanazém na te te saprĩ õ di. Õne u'â, te hâimana wẽ u'âsi 're hâimana.

Tiagu 1:5

'Re ihâimana u'âsi mono hawi, dahâimanazém na rowaihu'u ré 're aihâimana za'ra wa'aba mono õ wamhã, te za asima tiwi 're irowaptẽrẽ za'ra wa'aba mo, ta hã sõpru uptabi wa. Duré uburé ta hã dama marĩ wẽ nhomri'wa. Ãne wa, tiwi 're irowaptẽrẽ za'ra wa'aba mono zéb uwaibaba, te za te te aima 're sõmri za'ra wa'wa, dahâimanazém na rowaihu iwẽ uptabi hã.