Provébiu 2:20 - ꞌRe Ihâimana Uꞌâsi Mono Zadawa Wasuꞌu

²⁰ Tahawa sena na, duré i'uwaibaba na si 're ihâimana za'ra mono norĩ nhirã na si 're aihâimana mono.

Provébiu 2:20 ပူးပေါင်းရင်းမြစ်များ

Salmu 119:115

Marĩ iwasété si 're i'manharĩ u'âsi za'ra wa'aba mono norĩ, mo oto ai'aba'réi wa'aba, ĩnhiti. Wa hã wa tô ĩsima wẽ upta, ĩte 'Re ihâimana u'âsi mono nhimiroti si te 're 'madâ'â pese mono da hã.

Salmu 119:63

Uburé te te siwi 're i'aiwazéb za'ra mono norĩ siwaihu'u na, duré asimiroti si te te 're iwapari pese za'ra mono norĩ siwaihu'u na wa duré 're ĩhâimana.

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 4:11

Wa hã wa tô te 're asaprõni, rowaihu iwẽ te, bâdâdi awa'awi na hã, i'uwaibaba na si tô 're aihâimana mono da hã.

Provébiu 4:18

I'uwaibaba na si 're inomro mono norĩ nhibâdâdi hã te tãma 're hâimana za'ra, bâtâ ro te te 're irowapré mono wim ne, te te 're irowa'a pese mono zéb u hã.

Provébiu 8:20

Wa hã bâdâdi sena na 're ĩhâimana mono na wa 're mo. Duré i'uwaibaba zarina si wa 're mo.

Hebreu 6:12

Aiwa'a ãna õhõ ãma si 're aihâimana za'ra wa'aba mono da, wa tô te ĩsima 're aiwẽ za'ra wa'wa. Ni'wam norĩ hã siptete sina, Cristu te te sina 're i'umnhasi za'ra mono norĩ hã te za 'Re ihâimana u'âsi mono hã iwẽ uptabi hã tãma sõmri za'ra, te te tãma iropisutu za'ra zéb uwaibaba. Ta norĩ, 're ihâimana za'ra mono ne, Cristu hã asina 're umnhasi za'ra wa'aba mono da, wa tô te ĩsima 're aiwẽ za'ra wa'wa.

3 Zuwã 1:11

Ĩsiwadi, ĩma asawi pe hã, dapo're ãna dawasédé da te 're i'manharĩ za'ra mono ne, 're aihâimana mono õ di za, õ aibâ hã 're imorĩ wasété ne. Marĩ iwẽ zô si te za asima 're irob'madâ'â u'âsi mo, 're idahâimana wẽ za'ra mono norĩ ne. Ni'wam norĩ hã marĩ iwẽ si te te sima 're 'madâ'â za'ra mono wamhã, ta norĩ si te 'Re ihâimana u'âsi mono nhib'a'uwẽ 're hâimana za'ra. Duré ni'wam norĩ hã tihâimana wasété si te te sima 're wẽ uptabi za'ra mono wamhã, ta norĩ hã 'Re ihâimana u'âsi mono hâimanazé hã 'râwi te te 're waihu'u za'ra mono õ di.