Provébiu 2:2 - ꞌRe Ihâimana Uꞌâsi Mono Zadawa Wasuꞌu

² Ma'ãpé rowaihu'u wẽ 'wa norĩ hã 're wapari pese za'ra mono. Te te ãma 're irowasu'u za'ra mono zé 're waihu'u mono da asima sô 're airĩtĩ mono.

Provébiu 2:2 ပူးပေါင်းရင်းမြစ်များ

Provébiu 18:1

Ni'wa dasiré 're hâimana mono da, te te sima 're iwẽ mono õ hã te za tihâimanazém na si 're si'madâ'â. Te za duré uburé roti iwẽ hã te te siwi 're awẽ'õ.

Provébiu 2:3

Ĩhe, rowaihu iwẽ si asima 're waptẽrẽ mono. Duré sa'ẽtẽ aimreme 'rãihâ na ai'rã nhimiza'resezé hã 're waptẽrẽ mono.

Provébiu 23:12

Ma'ãpé da te aima 're iroti mono zé hã 're wapari pese mono, 're iwaihu'u pese mono zéb da hã.

Provébiu 4:1

Ĩ'ra norĩ, aimama nhimiroti hã 're wapari pese za'ra wa'aba mono. 'Re asimipari pese za'ra wa'aba mono wamhã, te za asimirowaihu'uzé iwẽ hã 're iwaihu'u za'ra wa'aba mo.

Provébiu 4:20

Ĩ'ra, ĩwapari pese, te aima inharĩ mono zém na hã.

Provébiu 6:32

Tane nherẽ, aibâ, pi'õ mro ré nherẽ, ãma 're isimisaihuri mono hã ta hã te hâimana nhimiza'rese'õ na 're hâimana. 'Râwi te za õ hã tihâimanazé siwi uprosi.

Mateu 13:9

Tawamhã ãne na ma tô duré dama ãma 'rãsutu, tinhimiroti na hã: — Asimipari pese za'ra wa'aba wamhã, ma'ãpé ĩwapari pese za'ra wa'aba, ĩnhimirowasu'u na waihu'u za'ra wa'aba da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:11

Beréa ãma 're isi'ubumroi mono norĩ nhimirosa'rada hã, wẽ di. Tesalonita ãma 're isi'ubumroi mono norĩ nhimirosa'rata nei õ di. Zezusihi wasu'uwẽ hã ma tô wapari pese za'ra. Awẽ sidâpâsi, ma tô 'Re ihâimana u'âsi mono zadawa wasu'u na rob'ui'éré 'rada hã da te 're sõré za'ra, Paulu norĩ nhimirowasu'u hã tô sena zô da te ãma 're rosa'rata pese za'ra mono da.