Provébiu 2:13 - ꞌRe Ihâimana Uꞌâsi Mono Zadawa Wasuꞌu

¹³ a'uwẽ tihâimanazé iwẽ te te 're rẽme za'ra mono wa, robra na oto 're ihâimana za'ra mono norĩ wi hã,

Provébiu 2:13 ပူးပေါင်းရင်းမြစ်များ

Salmu 14:3

Tane nherẽ, uburé ma tô 're dasipizari za'ra. Aiwa te dawasété na si 're dahâimana za'ra. Ni'wa hã marĩ iwẽ te te 're i'ab'manharĩ mono hã hâimana õ di. Tô sena ibaba uptabi.

Salmu 36:3

Isimirobzanhamrizé hã iwasété na si, duré isadawa nhipese na si. Ta hã simiza'rese wẽ na 're ihâimana mono zé hã ma tô tirẽ. Tahawa, marĩ te te 're i'ab'manharĩ wẽ mono da hã, te te sima 're wẽ mono õ di oto.

Provébiu 21:16

Ni'wa tinhimiza'rese wẽ te te rẽme wamhã, te za 're idadâ'â za'ra mono zép te na si oto 're hâimana.

Provébiu 4:19

Tane nherẽ, iwasété norĩ nhibâdâdi, i'rãdâ'â ra, 're imara 'rã pese mono ne hã. Ta norĩ hã te te 're i'marõpãrĩ za'ra mono zé hã te te 're 'madâ'â waihu'u za'ra mono õ di, duré te te sina 're 'madâ'â waihu'u za'ra mono õ di.

Zuwã 1:6

Tawamhã aibâ te 're hâimana, Zuwã na isisi hã, 'Re ihâimana u'âsi mono te te we isatõrĩ hã

Zuwã 12:35

Tawamhã Zezusi hã sõ'awib õ nherẽ, te rowa'a na siwasu'u, ãne: — Rowa'a hã te za suru na aima 're hâimana za'ra wa'wa oto. Tawamhã aima 're ihâimana za'ra wa'aba mono ré, te za 're anomro aba mo, aiwi 're robra za'ra wa'aba mono õ ré hã. Robra na damorĩ wamhã, nimomo damorĩ da hã dama waihu'u õ di.

Roma 1:21

Ta hã tô sena 're ihâimana mono na, da te dasiwi 're waihu'u za'ra mono nherẽ, tô sena da te dasiwi 're ihâimana wazé mono na, da te tãma ãma 're uwaimrami za'ra mono õ di, 'Re ihâimana u'âsi mono ma hã. Duré sõprub uptabi nherẽ, ãma 're dawata za'ra mono õ di. Taha upana, te marĩ na si siwa'ru da te 're rosa'rata wasété za'ra. Dapẽ'ẽ 're, robra u'âsi 're dahâimana za'ra mono wa, te danhimirosa'rata na da te 're upa za'ra.

2 Timotiu 4:10

Demasi hã ĩ'ãma sapa'a õ di oto. Ma tô ĩwi watobro, Tesalonita na 'ri nho'õmo nhisi u morĩ da, marĩ hã te te sima i'awẽ zarina, taha na si oto 're morĩ da. Cresẽti hã ma tô mo, Galasia na danhipti'a nho'õmo nhisi u. Titu hã ma tô duré mo, Damasiza na danhipti'a nho'õmo nhisi u.

1 Zuwã 2:19

Ta norĩ hã ma tô aré wasiré 're si'rã'õtõ u'âsi, iwasu'uwẽ u. Wasiré uptabi 're hâimana za'ra mono õ nherẽ, ma tô aré wasiré 're hâimana za'ra. Wasiré uptabi, 're hâimana za'ra mono 'wa'âhã, te aré wasiré 're hâimana u'âsi za'ra, 'râwi. Tane nherẽ, ma tô wahawi 're wairébé. Tahawa, wa tô wasina waihu'u za'ra ni oto, wasiré uptabi 're ihâimana za'ra mono õ na hã.