Provébiu 2:12 - ꞌRe Ihâimana Uꞌâsi Mono Zadawa Wasuꞌu

¹² Te za marĩ te te 're i'manharĩ wasété za'ra mono norĩ hâimanazé wi hã te te 're asõ'reptu, sadawanhipese na te te dama 're irowasu'u wasété za'ra mono norĩ wi hã,

Provébiu 2:12 ပူးပေါင်းရင်းမြစ်များ

Provébiu 10:32

Sena na 're ihâimana za'ra mono norĩ ma hã tãma waihu'u pese di, da te 're iwapari ze za'ra mono zém na, te te dama 're inharĩ za'ra mono zé hã. Tane nherẽ, iwasété norĩ ma hã senai'õ na imreme si duré imreme wasété si tãma waihu'u pese di.

Provébiu 13:20

Ni'wa hã i'rãi waihu'u wẽ norĩ siré 're morĩ wamhã, te za i'rãi waihu'u wẽ zé hã te te sina tãma 're hâimo u'âsi. Tane nherẽ, isimiza'rese'õ norĩ siré 're imorĩ hã te za tihâimana wasété na hã 'râwi ãma 're si'u'a.

Provébiu 23:33

Tawamhã a hã âzé hã zâ'rẽne wamhã, siwa'ru te za niha na marĩ i'ab'madâ. Te za duré asimiza'rese'õ zarina siwa'ru oto irobzanha.

Provébiu 28:26

Ni'wa 'râwi 're isi'umnhasi mono hã ta hã isimiza'rese'õ. Tane nherẽ, ni'wa rowaihu iwẽ zarina si 're ihâimana mono hã te za tãma romnhimimnhasi ãna 're hâimana.

Provébiu 3:32

E marĩ wa. Uburé Danhib'apito ma hã, ihâimana nhipese norĩ hã tãma 'rui wa. Tane nherẽ, i'uwaibaba na si 're ihâimana wẽ za'ra mono norĩ si te isiwaihu hã tãma 're hâimana za'ra.

Provébiu 6:12

Aibâ norĩ taré pese wasété na 're ihâimana za'ra mono norĩ hã te tizadawa nhipese na si te te dama 're rowasu'u za'ra.

Provébiu 8:13

Uburé Danhib'apito, da te 're wazéb za'ra mono wamhã, uburé marĩ iwasété da, 're idanhiti'ru za'ra mono zé, te wasu'u. 'Râwi 're idasi'madâ'â ze za'ra mono zé hã ĩma 'ru ti, dasina 're idawata za'ra mono zéb zama, dahâimana wasété zama, duré damreme wasété zama.

Provébiu 9:6

Ma'ãpé, rẽme pese za'ra wa'aba, isimiza'rese'õ norĩ hã, rowẽ na 're i'aihâimana za'ra wa'aba mono zé hã asina uwaimrami za'ra wa'aba da. Da'rãi waihu'u wẽ na 're idanomro mono zém na bâdâdi na si 're anomro aba mono.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:30

Duré ni'wam norĩ hã asiré wa'aba nherẽ, te za aima sadawa hapese za'ra wa'wa, isiniwĩ 're anomro aba mono da, isazei'wa norĩ hã uburé isiniwĩ 're nomro mono da.

1 Corĩtu 15:33

Ãne wa, te za dawi 're asi'madâ'â pese za'ra wa'aba mo, danhimiroti wasédé hã tô sena newa, da'ãma 're sasõmri za'ra wa'aba mono tõ da. Taha na da'ãma 're sasõmri za'ra wa'aba mono wamhã, ta norĩ ne te za oto 're aihâimana wasété za'ra wa'aba mo.

2 Corĩtu 6:17

Ãne duré Danhib'apito mreme na rob'ui'éré wasu'u amo hã: “Dapo're ãna 're idanomro mono norĩ hã, te za oto asiwi 're irẽme za'ra wa'aba mo, ta norĩ hâimana wasété zém nhiti, 're aihâimana za'ra wa'aba mono da oto. Dapo're'õ norĩ hã uburé marĩ hã te te siwi 're i'manharĩ wasété za'ra mono zé hã, tiwi 're upi zahu za'ra wa'aba mono õ di za oto. Tawapsi, wa za oto ĩsitẽme te 're aiwaibui wẽ wa'wa.