Provébiu 19:8 - ꞌRe Ihâimana Uꞌâsi Mono Zadawa Wasuꞌu

⁸ Ni'wa ti'rãi waihu'u wẽ zô sima 're rĩtĩ mono wamhã, te tihâimanazé hã te te sima 're sawi. Duré ni'wa 'rãi waihu'u wẽ na 're hâimana mono wamhã, te za tãma 're irowẽ mono zé hã te te sina 're uwaimrami.

Provébiu 19:8 ပူးပေါင်းရင်းမြစ်များ

Salmu 19:11

Taha na te wa hã asib'a'uwẽ ãma 're ĩpo're pu'u wẽ u'âsi mo. Duré aimreme te 're iwapari pese mono zarina, wa ĩpawa'âbâzé iwẽ hã te ĩsima te 're awaibui u'âsi.

Provébiu 16:20

Ni'wa rotizé te te wapari pese wamhã, te za rowẽzé hã tãma 're hâimana. Duré ni'wa Uburé Danhib'apito te te sina 're i'umnhasi mono hã te za robze na si 're hâimana.

Provébiu 17:16

Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Provébiu 19:9

Da'ãma rowairébézéb ãma senai'õ na dawasu'u'wa hã, danhimihâzé wi 're isimani mono da hã mare di. Te za duré isadawa nhipese zarina ihâiba hã ai'utõ.

Provébiu 22:18

'Re i'awaihu'u mono na, ãma 're asipo're pu'u u'âsi mono wamhã, aima 're rowẽ uptabi mono di za.

Provébiu 3:18

Rowaihu iwẽ hã te za 're idahâimana hâ za'ra mono zé hã te te dama 're sõmri za'ra, aiwa wede 're isimasam hâ mono ne. Ni'wa te te sima sawi wamhã, te za rowẽ na 're hâimana.

Provébiu 3:21

Ĩ'ra, asimirowaihu'uzé iwẽ, duré ai'rãi waihu'u pe hã aipẽ'ẽ 'remhã asima 're tété mono. Niwamhã romhâ na aiwi 're hâimana mono tõ da hã, rẽme tõ.

Provébiu 3:22

Ta hã te za aihâimana hâ zé hã aima te te 're ãwisi. Tawamhã aibutu na danho'rebzu dama i'madâ'â ze ne hã te za aihâimanazé hã da te 're 'madâ'â ze za'ra.

Provébiu 4:21

Niwamhã aima ĩnhimirotizé 're 'madâ'â mono ãna 're aihâimana mono tõ. Duré aipẽ'ẽ 'rem hã asima 're tété u'âsi mono.

Provébiu 4:4

ma tô ĩmama hã te te ĩma 're roti ãne: — Ma'ãpé uburé aipẽ'ẽ na ĩmreme hã asima 're tété u'âsi mono, niwamhã ãma aipo're si'âri ãna. Ãne na ãma 're aihâimana mono wamhã, te za rowẽ na si 're aihâimana mo.

Provébiu 4:6

Rowaihu iwẽ hã rẽme tõ tô. Ãne wamhã, te za ai'wawimhã 're simapa. Duré 're sawi pese mono wamhã, te za asima iwẽ na 're i'aihâimana mono zé hã aima te 're anhomri.

Zuwã 12:25

— Ni'wam norĩ hã tihâimanazé te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, tihâimanazé te te sima 're sawi za'ra mono õ wapsi, te za rowẽ hã te te sina 're uwaimrami za'ra.

Zuwã 14:21

— Ni'wam norĩ hã ĩnhimiroti si te te 're 'madâ'â pese za'ra mono wamhã, ta norĩ si ĩzawi pese 'wa, te za 're nomro. Te te 're ĩzawi pese za'ra mono wamhã, te za duré Ĩmama zama asa hã te te 're sawi pese za'ra. Wa hã wa za duré te 're sawi pese za'ra, ĩzawi pese 'wa norĩ hã. Ta norĩ ma si, wa za 're ĩhâimana mono zém na tãma 're ĩsiwaihu'u za'ra.

1 Pedru 3:10

Duréihã ãne na ma tô 'Re ihâimana u'âsi mono zadawa 'mahârâ'wa hã dama roti: “Aihâiba ré, robzei u'âsi 're anomro aba mono da, asima 're wẽ za'ra wa'aba mono wamhã, aimreme wasété na dama 're nharĩ za'ra wa'aba mono õ di za. Duré dama 're asadawa nhipese za'ra wa'aba mono õ di za.