Provébiu 19:7 - ꞌRe Ihâimana Uꞌâsi Mono Zadawa Wasuꞌu

⁷ Isimarĩ'õ, isisãnawã uptabi te te siwi 're wẽ'õ mono nherẽ, e te aré bété isiwaihu'u norĩ hã te te sina 're tété za'ra. Mare di. Aiwa te za tô te te siwi 're wẽ'õ pese za'ra. Tahawa isiwaihu'u norĩ te te 're pawaptob za'ra mono da, duré sô 're rĩtĩ za'ra mono nherẽ, nimame te te i'manhopẽtẽ da hã mare di za.

Provébiu 19:7 ပူးပေါင်းရင်းမြစ်များ

Provébiu 10:15

Isimarĩ pese norĩ 'wawimhã te za isibro hã 're simapa za'ra. Tane nherẽ, isimarĩ'õ norĩ hã te za isibrob'õ hã te te 're uprosi, simapa waihu'u õ wa, marĩ na.

Provébiu 14:20

Isimarĩ'õ waptoma 're idahâimana za'ra mono norĩ ma hã tãma wẽ'õ za'ra di. Tane nherẽ, isimarĩ pese norĩ si te siwaihu'u ahâ na 're hâimana za'ra.

Provébiu 18:23

Isimarĩ'õ norĩ hã te za wapu na dawi rowaptẽ. Tane nherẽ, isimarĩ pe hã te za timreme tete na hã ãma sada'â.

Provébiu 19:4

Isibro pe hã te za tisiwaihu, ahâ na te te sitẽme 're a'wani. Tane nherẽ, isimarĩ'õ siwaihu'u si te za te te 're arẽme.

Provébiu 21:13

Ni'wa isimarĩ'õ norĩ hârâ te te wapari tõ da, sipo're nhidâ wamhã, õhõ hârâ zama duré da te isada'âbâ da hã mare di.

Provébiu 27:10

Asiwaihu hã aimama siwaihu'u me hã, rẽme zahuré tõ. Tô'ã! Duré ropire na aihâimana wamhã, asisãnawã te te aipawaptob da hã tiwi rowaptẽrẽ tõ. E marĩ wa. Asisãnawã romhâ na 're ihâimana mono nhipai u, 'râwi aiwaptoma 're ihâimana mono hã sa'ẽtẽ dâ'âsina aima hã.

Tiagu 2:6

Tane nherẽ, ma tô a norĩ wa'wa hã isibrob'õ norĩ hã 're ihâiba wazéb'õ za'ra wa'aba mo. Ma'ãpé rosa'rata za'ra wa'aba. E 'wam norĩ hã te bété te te 're aiwati pese za'ra wa'wa. Duré e 'wam norĩ hã ma tô datẽme te te 're asimroi wa'wa, da'ãma rowairébé'wa norĩ u, ipipa na te te ai'ãma 're rowairébé za'ra wa'aba mono da. Isibro pese norĩ si, ma tô ãne na te te aima 're rob'manharĩ wasété za'ra wa'wa.