Provébiu 19:6 - ꞌRe Ihâimana Uꞌâsi Mono Zadawa Wasuꞌu

⁶ Dama ipire na 're ihâimana za'ra mono norĩ, te te 're dawẽsãmri za'ra mono da hã, te za uburé dasima 're danhopré. Duré sapa'abâ isibzari ze siwaihu'u norĩ hã ahâ uptabi di.

Provébiu 19:6 ပူးပေါင်းရင်းမြစ်များ

Zenezi 32:20

Ãne na tãma irowasu'u za'ra wa'aba zéb da hã ãma aipo're si'âri za'ra wa'aba õ di za: “Asib'a'uwẽ Zaco hã zahadu te we waza'u za'ra mo.” Ãne Zaco ma tô rosa'rada sima 'manha: “Ezauhu ma, ĩnhoprum na ĩsisõwa te isõmri za'ra na hã wa za hâimana wahâ. Tahawa oto duré nimahã na wasisõpẽtẽ wamhã, ãté te za ĩ'âri wẽ.”

Zenezi 42:6

Tahawa, Zuzé dama i'rãnho'õmo dâ'âsina daza'rui amoi hawi 're idasihutu mono ma hã ma tô amnho te te dama 're awede. Tawamhã idub'rata norĩ itẽme sihutu wamhã, ma tô isõ'remhã hi'rãtitõ tãma asimro. Ma tô duré ti'ubu na ti'ai u hã tãma roptob za'ra.

Zenezi 43:15

Tawamhã Zacoho 'ra norĩ ma tô tinhoprubzé hã duré rob'uiprazé isisiwi na hã te te sima sé. Taha pari te oto tawamhã Ezitu u ai'aba'ré, tino za'ra Bẽzamihĩ ré. Tawamhã sihutu wi, ma tô Zuzéhé ma te te tãma nharĩ za'ra da hã itẽme ai'aba'ré.

Salmu 45:12

Apito siwẽ, 'ri nho'u Tiru na isisi hawi a'uwẽ hã te za aima tinhoprubzé hã we 'wasa. Tame isimarĩ pese norĩ, te za iwẽsãmri za'ra zéb zô hã te te sina 're ai'madâ'â za'ra.”

Provébiu 16:15

Apito ubu to sina ihâimanazé hã dahâimanazé iwẽ te te dama 're i'apisutu mono zé, te wasu'u. Duré te te 're ida'awẽsãmri mono zé hã tã a'ẽ ta'a wi hâiwa nhirõtõ hawi 're ita'a za'ra mono zém ne hã te 're hâimana.

Provébiu 17:8

Ni'wam norĩ hã rob'uiprazém na pi'uriwi ãma da'uiprazém na te te 're rosa'rata za'ra, niha na iwa'rãmi da te tãma 're rowairébé za'ra mono da hã, wapu pese na ãma 're isibro pese za'ra mono zéb da hã.

Provébiu 18:16

Dama ipire ma nharĩ da, asima wẽ wamhã, asibzari taré tãma âri, sitẽme te te ai'âri su'u da.

Provébiu 19:12

Apito 're isahi mono zé hã aiwa hu'u zérépa wairõ ne te 're hâimana. Tane nherẽ, isimizawizé hã aiwa atébré rowarã na du te te 're iwaihi za'ra mono ne hã.

Provébiu 21:14

Ni'wa asada isahi ma, taré asõprubzé pi'uriwi tãma sõmri wamhã, asada isahizé hã te za tiwi ai'utõ.

Provébiu 29:26

Dama ipire hã te te 're ida'awẽsãmri mono da hã, te uburé da te dasi'ãma 're rosa'rata ze za'ra. Tane nherẽ, te 'Re ihâimana u'âsi mono si dahâiba mono bâ te te sima 're ida'awẽ mono zéb zarina te te dama 're arowairébé, i'uwaibaba na.

Mateu 2:11

Tawamhã 'ri para u ma tô asisi. Sisisi wamhã, ma tô sabu za'ra 'watébrémi hã, ina iré sãmra ré tipa, Maria hã. Tawamhã hi'rãtitõ ma tô asimro, ãma wata za'ra da. Taha pari, ma tô 'ridawa za'ra, tinhimiro'wapézé te te i'wasari zô, te te ãma sawi za'ra da. Tawamhã taha na ma tô ãma sawi za'ra, tinhoprub za'ra zém na; ẽtẽ waipo pré oru hã, duré wedewati isadaze hã, duré wedewati isadaze si'u'ẽne hã. Taha na ma tô tãma tinhoprub za'ra.

Roma 6:23

Dawasété na si 're idanomro mono zé wa'rãmi, te za dadâ'â u'âsi ne 're dahâimana za'ra dapẽ'ẽ 're, 'Re ihâimana u'âsi mono nhiti. Wanhib'apito Cristu Zezusihi ãma si 're danomro mono wapsi, te za 'Re ihâimana u'âsi mono hã sõpru wa, te te dama 're apisutu, i'rata 're idahâimana u'âsi za'ra mono zéb da hã, asa tãma 're idasiwa'âbâ za'ra mono zéb zô, sina 're simnhasi mono ãna.