Provébiu 19:3 - ꞌRe Ihâimana Uꞌâsi Mono Zadawa Wasuꞌu

³ Danhimiza'rese'õ na niha na 're idanomro mono zéb zarina, te za dahâimanazé hã da te dasiwi 're wasété pese za'ra. Duré dapẽ'ẽ 're te za Uburé Danhib'apito da hã 're danhiti'ru za'ra, ta hã te te upa newa.

Provébiu 19:3 ပူးပေါင်းရင်းမြစ်များ

Provébiu 11:3

I'uwaibaba na si 're ihâimana za'ra mono norĩ hã te za sena na tihâimanazém na si 're sisimro. Tane nherẽ, iwasété norĩ, senai õ na 're ihâimana za'ra mono zéb zarina, te 'râwimhã 're si'uprosi.

1 Samuéu 13:13

Tawamhã Samuéu ma ãma sada'â ãne: — A hã asimiza'rese õ ne ma tô marĩ hã i'manha. Wapari õ di, Wanhib'apito 'Re ihâimana u'âsi mono te te aima i'ruzé hã. Wapari 'wa'âhã, te aré Izaraéu nhihudu norĩ ma i'rãnho'õmo na tãma 're aihâimana u'âsi za'ra mo. Asihudu norĩ zama te aré dama i'rãnho'õmo na dama 're hâimana u'âsi za'ra.

1 Samuéu 15:23

Wanhib'apito wi tiwi 're idasipizari za'ra mono hã pire uptabi di, aiwa simi'â na da te 're iromhuri za'ra mono ne. Duré 'râwi 're idasi'madâ'â ze za'ra mono hã tô dawasédé, romhâibarĩ na 're idawata za'ra mono zém ne. Tahawa, ma tô Wanhib'apito siwi aiwẽ'õ. E marĩ wa. Aima isimirotizé hã, asiwi wẽ'õ wa, a hã.