Provébiu 19:29 - ꞌRe Ihâimana Uꞌâsi Mono Zadawa Wasuꞌu

²⁹ Da'ãma 're idawa'ẽ za'ra mono norĩ da hã te i'ahârizéb da hã da te sada 're sa'ra za'ra. Duré isimiza'rese'õ norĩ da zama, te za iba wi da te 're ipré'é za'ra mono da hã da te sada 're sa'ra za'ra.

Provébiu 19:29 ပူးပေါင်းရင်းမြစ်များ

Salmu 1:1

Iwasété norĩ nhimiroti na 're ihâimana mono õ hã, iwasété norĩ hâimanazé nhizusi'õ'wa hã, duré 'Re ihâimana u'âsi mono nhimiroti zarina 're ihâimana za'ra mono norĩ ãma, 're idawa'ẽ za'ra mono norĩ siré 're isãmra mono õ hã te rowẽ na si to sina hã 're hâimana!

Provébiu 1:22

— Isimiza'rese'õ norĩ! E momo te za i'rãsutu za'ra wa'wa, asimiza'rese'õ na 're i'aihâimana za'ra wa'aba mono zé hã. E niwa te za rowaihu iwẽ na aiwa'ẽ ze zé hã iwaihu'u za'ra wa'wa. E niwamhã bété ãne na hã asiwaihu'u za'ra wa'aba õ di.

Provébiu 1:26

Ãne te aima rowaihu'u za'ra wa'aba nherẽ, ropire asô watobro za'ra wa'aba wamhã, wa hã wa za ai'ãma aihâ za'ra wa'wa. Duré ropipa asô wisi za'ra wa'aba wamhã, wa za duré ai'ãma ĩwa'ẽ za'ra wa'wa.

Provébiu 10:13

I'rãi waihu'u wẽ norĩ hã te za rowaihu iwẽ na si 're mreme zusi. Tane nherẽ, niha na simiza'rese ãna 're ihâimana za'ra mono norĩ hã te za da te tãma 're rob'manharĩ wasété za'ra.

Provébiu 17:10

Ni'wa i'rãi waihu'u wẽ ma, da te pẽtẽ wamhã, te za tihâimana pese zé hã sina uze, te te waihu'u wẽ wa. Tane nherẽ, isimiza'rese'õ hã 100 na da te 're pré'é mono nherẽ, siwaihu'u su'u õ di, tiwasété na hã.

Provébiu 18:6

Isimiza'rese'õ, timreme zahi zarina, te za dasi'wapé hã te te 're azani. Te za duré ti'ahârizé hã te te sisada ãma 're azani.

Provébiu 26:3

Awaru ahârizéb da, te ihâ nhorõ hã sada 're hâimana za'ra. Duré awaru po're pore da, te isi'uwazi nhi'odo iwata wazizé hã sada 're hâimana za'ra. Tane te wedehu waré hã, hâimana nhimiza'rese ãna 're ihâimana za'ra mono norĩ ba ãma i'ahârizéb da hã, sada 're hâimana za'ra.

Provébiu 3:34

Da'ãma 're iwa'ẽ za'ra mono norĩ ãma te za 're wa'ẽ iwa'rãmi. 'Râwi 're isi'madâ'â ze za'ra mono õ norĩ si te za te te 're apawapto.

Provébiu 7:22

Tawamhã si'aba'ré na ma tô oto isarina mo, powawẽ ipãrĩzéb u da te 're isimroi mono ne, duré pozé wedenhorõ nhihâ're uwaibaba 're sisa'rei mono wa, ãma 're isiwaibui mono ne.

Provébiu 9:12

Ai'rãi waihu'u wẽ na 're aihâimana mono wamhã, te za iwẽ hã asima 're isa'ẽtẽ mo, ate da hã. Duré da'ãma 're aiwa'ẽi mono wamhã, te za taha zarina 're irobzépata mono na hã 're aihâimana mo.

Hebreu 12:6

E marĩ wa, aiwi 're robzei'õ za'ra wa'aba mono õ di za. Wa hã Danhib'apito uptabi hã uburé te 're i'azawi pese mono norĩ hã te 're ahâ za'ra mono wa. Duré tiwasété na 'râwi 're sisãmri za'ra mono da, uburé ĩ'ra na te 're isisi za'ra mono norĩ hã apâ 're nomro wẽ mono da, wa wa hã te tãma 're arob'manharĩ, ta norĩ ma.” Ãne wa, aiwi 're robzei'õ za'ra wa'aba mono õ di za, 'Re ihâimana u'âsi mono te te 're aihâ za'ra wa'aba mono wamhã.