Provébiu 19:27 - ꞌRe Ihâimana Uꞌâsi Mono Zadawa Wasuꞌu

²⁷ Ĩ'ra, danhimiroti 'manharĩ waparizé rẽme wamhã, te za 're i'awaihu'u mono zé ma hã 're asimirẽme mo.

Provébiu 19:27 ပူးပေါင်းရင်းမြစ်များ

Provébiu 14:7

Tahawa, ma'ãpé simiza'rese ãna 're ihâimana za'ra mono norĩ nhiti romhâ na 're aihâimana za'ra wa'aba mono. E marĩ wa. Ta norĩ nhimirowasu'u na hã rowaihu iwẽ hã za ãma 're sõpẽtẽ za'ra wa'aba mono õ wa.

Provébiu 19:26

Ni'wa timama ma, te te rob'manharĩ wasété wamhã, duré tina 'ri hawi te te wazere wamhã, te za timama norĩ hã ãma sisém nomri zahuré.

Provébiu 19:28

Da'ãma rowairébézéb ãma, dasiwasu'u na da te 're uwaimrami za'ra mono õ wamhã, te za da'ãma 're dawa'ẽ za'ra, rob'uwaibaba na za te te da'ãma 're rowairébé mono õ wa. Iwasété norĩ ma, uburé marĩ iwasédé hã tãma ise.

Mateu 16:12

Tawamhã isiré 're inomro mono norĩ hã ma tô sina waihu'u za'ra, Zezusihi mreme hã, i'u'ẽtẽ wapu 'manharĩzém na te te tãma inharĩ uptabi õ za'ra na hã, farizeu norĩ nhimiroti wasété na te te ãma isimiré'ézém na si, saduseu norĩ nhimi'manharĩzé me.

Mateu 16:6

Tawamhã Zezusi hã ma tô tãma nharĩ za'ra, tisiré 're inomro mono norĩ ma, ãne: — Ma'ãpé 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, duré saduseu norĩ nhimi'manharĩzém nhiti.

Mateu 7:15

— Duré, 'Re ihâimana u'âsi mono zadawa wasu'u uptabi õ 'wa norĩ wi, te za 're asi'madâ'â pese za'ra wa'aba mo. Ta norĩ hã tô sena dasiré 're hâimana wẽ za'ra mono newa, te za te te dama 're roti za'ra taré. Ta norĩ hã te abaze zahi ne 're hâimana u'âsi za'ra, isazei'wa norĩ zada hã.

Marcu 4:24

— Ni'wam norĩ hã 'Re ihâimana u'âsi mono hã isimirowaihu'u na te te 're 'ruiwapari u'âsi za'ra mono wamhã, taha zarina te za 'Re ihâimana u'âsi mono hã sa'ẽtẽ na tãma ãma 're sõprub za'ra, te te aré 're iwaihu'u za'ra mono zém nhipai u, te te waihu'u pese za'ra da oto. Tane nherẽ, ni'wam norĩ hã isimirowaihu'u na te te 're 'ruiwapari za'ra mono õ wamhã, ta norĩ wi te za tinhimirowaihu hã tãma waihu'u pese za'ra õ nherẽ, te te tiwi 're awaibu 'Re ihâimana u'âsi mono hã, te te aré ãma 're iwaihu'u za'ra mono zé hã.

Zuwã 10:5

Pone'ẽrebâ tede'wai upana nherẽ, e te za dazarina 're nomro. Mare di. 'Re nomro mono õ di za, dazarina hã. Te za tiwi 're sisa're, imreme te te 're waihu'u za'ra mono õ wa.

Éfézu 4:14

Ãne wamhã, ai'uté ne wanhimiza'rese ãna 're wanomro mono õ di za oto. Tawamhã dazadawa nhipese na da te wama 're roti za'ra mono nherẽ, roti tô senai'õ hã wa te 're wapari za'ra mono õ wa, roti tô senai'õ niwĩ 're wasipizari za'ra mono õ di za.

1 Timotiu 4:7

Dahi'rata norĩ nhimirob'rãzarõtõ 'ratare hã 're wapari mono õ di za, ta hã isazei'õ'wa norĩ te hã, tarére wa, uptabi õre wa. Ta hã te za asima 're i'madâ'â pese mo, 're aihâimana wẽ mono da, Wamama nhimiroti zarina.

1 Zuwã 4:1

Ĩsisãnawã norĩ, ĩma asawi pese za'ra wa'aba norĩ hã, ãté ni'wam norĩ hã te za ãne aima 're siwasu'u za'ra wa'wa: “'Re ihâimana u'âsi mono ma tô Tipẽ'ẽzani hã te te wama 're anhomri. Ipẽ'ẽzani te te wama 're i'awaihu'u mono zéb zarina si, wa tô wa te dama 're sadawa wasu'u za'ra.” Ãne ni'wam norĩ hã aima 're siwasu'u za'ra wa'aba mono nherẽ, isimirowasu'u na 're saze su'u za'ra wa'aba mono õ di za, a'â. Ãhã na hã 'Re ihâimana u'âsi mono zadawa wasu'u uptabi 'wa newa, roti tô senai'õ na te te dama 're iroti za'ra mono norĩ hã ahâ uptabi na te oto 're hâimana za'ra. Daro mono bâ te dawazari 're hâimana za'ra. Tahawa, te za uburé roti hã tô sena zô 're ipibui u'âsi za'ra wa'aba mo, 'Re ihâimana u'âsi mono pẽ'ẽzani hawib zô si.

2 Zuwã 1:10

Duré Cristuhu nhimiroti upana te te dama 're iroti za'ra mono hã ta norĩ hã atẽme 're sihutu aba mono wamhã, sô 're atob'uzu za'ra wa'aba mono õ di za, asõrõwa u 're sisisi aba mono da.

Apocalipsi 2:2

Éfézu ãma ĩzazei'wa norĩ, uburé 're i'aihâimana za'ra wa'aba mono zé hã ĩma waihu'u pese di. Asimi'ẽ na te ĩma 're iromhuri pese za'ra wa'aba mo. Da te aima 're rob'manharĩ za'ẽtẽ za'ra wa'aba mono nherẽ, aiwasété u 're aipizari za'ra wa'aba mono õ di, apâ. 'Re idanomro wasété mono norĩ nhimiroti hã te 're iwẽ'õ pese za'ra wa'aba mo. Ni'wa hã Zezusihi zadawa wasu'u'wa na aima siwasu'u za'ra wa'aba nherẽ, awa'awi 're saze za'ra wa'aba mono õ di. Isimiroti hã te a'â 're iwapari za'ra wa'aba mo. Tawamhã i'uwaibaba'õ na te te aima 're sadawa wasu'u za'ra wa'aba mono wamhã, awa'awi te asina 're iwaihu'u za'ra wa'aba mo, isadawa nhipese na hã. Tahawa, te ã norĩ hã 're iwẽ'õ za'ra wa'aba mo.