Provébiu 19:23 - ꞌRe Ihâimana Uꞌâsi Mono Zadawa Wasuꞌu

²³ Ni'wa, Uburé Danhib'apito te te 're wazé mono wamhã, te za rowẽ na si 're hâimana hâ pese, sima iwẽ na.

Provébiu 19:23 ပူးပေါင်းရင်းမြစ်များ

Salmu 103:17

Uburé Danhib'apito nhimizawizé te si'utõrĩ ãna te te 're iwazéb za'ra mono norĩ ãma hã 're hâimana u'âsi. Ta norĩ 'ra nhihudu norĩ ma sidâpâsi, te õne u'âsi i'uwaibaba na si te te tãma 're i'ab'manharĩ mono zé hã 're hâimana,

Salmu 19:9

Uburé Danhib'apito, da te 're iwazé za'ra mono zé hã iwẽ. Te za õne u'â 're hâimana. Duré te te dama 're i'arowairébé mono zé hã, i'uwaibaba na si, tô sena na si.

Salmu 91:10

Niwamhã marĩ ipire uptabi asô iwatobro da hã mare di za. Duré asõrõwa u marĩ iwasété uptabi iwisi da hã mare di za.

Salmu 91:16

Tawamhã ipawa'âbâ za'ra iwẽ uptabi na wa za, 're ihâimana hâ za'ra mono zéb da hã te tãma 're anhomri. Wa za tô duré 're ĩnhiminhõ'reptui mono zé hã tãma te 're ahâi'ré.”

Provébiu 10:27

Uburé Danhib'apito, da te 're wazéb za'ra mono wamhã, te za 're idahâimana za'ra mono zé bâdâ hã dama 're si'wani za'ra. Tane nherẽ, iwasété norĩ hã te za 're idâ'â za'ra mono zé bâtâ wana ré hã 're dâ'â za'ra.

Provébiu 11:19

Ni'wa iwẽ na si 're hâimana mono wamhã, te za rowẽ na hã 're hâimana u'âsi. Tane nherẽ, marĩ iwasété si ni'wa te te 're i'manharĩ mono zô si, 're ne mono wamhã, te za tidâ'âzéb u oto 're si'ãwisi.

Provébiu 12:21

Ropire hã i'uwaibaba na si 're ihâimana za'ra mono norĩ zô, 're iwairébé mono da hã, mare di. Tane nherẽ, wasété na 're ihâimana za'ra mono norĩ si te ropire hã te te 're sõpẽtẽ u'âsi za'ra.

Provébiu 19:22

Ni'wa tinhimizawi pese zém na 're hâimana mono wamhã, ãma 'ruiwapari za'ẽtẽ di. Duré danhimarĩ'õ na 're idahâimana za'ra mono da hã wẽ uptabi di, dazadawa nhipese na 're idahâimana za'ra mono zém nhipai u hã.

Provébiu 22:4

Ni'wa, Uburé Danhib'apito te te 're wazé mono wamhã, duré wapu na dama 're si'madâ'â mono wamhã, te za tinhimarĩ hã te te sima 're azani. Taha zarina te za duré da te dasiwi 're wazé pese. Te za duré 're hâimana hâ, ta hã.

Provébiu 3:24

'Re asa'wari mono wamhã, aipahi ãna te za asimiwaptâ ãma hã 're asa'wari mo. Te za duré mara bâre asima iwẽ na aptâ hã 're i'mahâpãrĩ mo.

Mateu 5:6

— Duré, ni'wam norĩ hã 'Re ihâimana u'âsi mono te te sima 're iwẽ za'ra mono zéb uwaibaba, uburé marĩ iwẽ hã te te tãma 're i'manharĩ za'ra mono da si, te te sima 're wẽ za'ra mono wamhã, ta norĩ ma si, tãma 're rowẽ za'ẽtẽ za'ra mono di za. Ta norĩ ma si, te za 'Re ihâimana u'âsi mono hã te te tãma ãma 're a'uwaimrami, rowẽ te te tãma 're i'apisutu mono zém na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:31

Tawamhã isazei'wa norĩ ma, rowẽ di oto, Zudéa ãma, duré Galiléa ãma, duré Samaria ãma zama. Uburé tãma rowẽ za'ra di oto, siré 're isi'rã'õtõ mono norĩ ma hã daro mono bâ. 'Re ihâimana u'âsi mono pẽ'ẽzani nhimipawaptobzém na ma tô isazei'wa norĩ hã 're hâimana nhiptete za'ra. Taha zarina, ma tô duré isazei'wa norĩ za'rada hã sina hâimo. Ta norĩ hã ma tô Wanhib'apito Zezusi hã te te 're wazé pese za'ra.

Roma 8:28

'Re ihâimana u'âsi mono zawi pese 'wa norĩ da, marĩ iwasédé hã ahâ na sada 're hâimana za'ra mono nherẽ, te za 'Re ihâimana u'âsi mono hã iwẽ si te te tãma 're apisutu iwa'rãmi, te te sima 're i'awẽ mono zéb zarina, tinhib'a'uwẽ da, te te sima 're i'apisutu mono norĩ ma hã. Ãne hã wama waihu'u pese za'ra di oto wa norĩ hã.

1 Timotiu 4:8

Ãne wa za duré aima waihu'u. Ãté ni'wam norĩ hã te za te te sima 're pisutu za'ra, 're sihâiba wairob za'ra mono da, dahâiba wairobzé hã wẽ wa, dahâiba ma hã. Ãne hã dama 're rowẽ za'ra mono nherẽ, 'Re ihâimana u'âsi mono nhimiroti zarina 're danomro wẽ mono da, da te dasima 're pisutu pese za'ra mono wamhã, dama 're rowẽ uptabi za'ra mono di za. Rowẽ na te za ãma 're danomro, ti'ai ãma, hâiwa ãma zama. Tô sena wa tô aima rowaihu'u. Ãhã wasu'u hã tô sena wa, aihĩni te za da te ãma 're saze za'ra.

2 Timotiu 4:18

Tane te za Wanhib'apito hã duré rowasété hawi ĩnho'reptu, hâiwa u te te ĩ'ãwisi wẽ da, tinhib'a'uwẽ norĩ te te 're i'ab'madâ'â mono zéb u hã. Ta hã si wẽ uptabi wa, aihĩni wa za ãma 're wawata u'âsi za'ra.