Provébiu 19:20 - ꞌRe Ihâimana Uꞌâsi Mono Zadawa Wasuꞌu

²⁰ Ma'ãpé danhimiroti hã 're wapari pese mono, duré asima 're wẽ mono. Ãne wamhã, nimahã na te za ai'rãi waihu'u wẽ na oto 're aimo.

Provébiu 19:20 ပူးပေါင်းရင်းမြစ်များ

Provébiu 1:2

à hã te za te te 're wa'apawapto, rowaihu iwẽ hã duré rotizé iwẽ hã sõ'awi 're ihâimana mono õ hã, rosa'rata na wa te ãma 're waihu'u za'ra mono da hã,

Provébiu 1:3

wa'rã nhimiza'rese na i'uwaibaba na si sena na duré iwẽ na 're wahâimana za'ra mono da, te te wama ãma 're i'arowasu'u mono da hã.

Provébiu 1:8

Ĩ'ra, aimama, marĩ na te te aima 're iroti mono zé hã ma'ãpé 're wapari pese mono. Duré ana, marĩ na te te aima 're iroti mono zéb zama te za 're iwapari pese mo.

Provébiu 12:15

Isimiza'rese'õ, te marĩ i'uwaibaba na te te 're i'manharĩ za'ra mono ne hã te te sina 're rosa'rata u'âsi za'ra. Tane nherẽ, i'rãi waihu'u wẽ norĩ hã te roti iwẽ te te 're iwapari za'ra mono zé hã te te sina 're uze za'ra.

Provébiu 13:10

'Râwi 're idasi'madâ'â ze za'ra mono zé hã te za damreme na dasi'wapézép si hã te te 're poto za'ra. Tane nherẽ, rowaihu iwẽ hã te roti iwẽ wapari zei 'wa norĩ ma si hã 're hâimana.

Provébiu 15:32

Ni'wa roti iwẽ te te siwi wẽ'õ wamhã, te za 'râwi tihâimanazé hã siwi wamna. Tane nherẽ, ni'wa tihâimana pese zé te te sina i'uzei pe hã te za rowaihu iwẽ hã te te sima 're sa'ẽtẽ u'âsi mono.

Provébiu 19:19

Ni'wa hã ihâimana wa'ro su nimahã na te te robzépata tõ da, pawaptom nherẽ, sisãmri dai õ di. Duré pawaptob zahu nherẽ, isisãmri da hã mare di. Tahawa, ihâimana wa'ro su'u norĩ te te tô 're robzépata za'ra mono.

Provébiu 4:1

Ĩ'ra norĩ, aimama nhimiroti hã 're wapari pese za'ra wa'aba mono. 'Re asimipari pese za'ra wa'aba mono wamhã, te za asimirowaihu'uzé iwẽ hã 're iwaihu'u za'ra wa'aba mo.

Provébiu 8:14

Ĩnhimiroti iwẽ zarina, wa tô te 're da'apawapto, marĩ iwẽ hã da te ãma 're 'manharĩ wẽ za'ra mono da. Ĩnhimiza're hã te ĩma 're hâimana. Ĩnhiptete di, duré wa hã.

Provébiu 8:33

Ma'ãpé aima ĩnhimiroti za'ra wa'aba zé hã wapari pese za'ra wa'aba. Ai'rãi waihu'u wẽ na 're aihâimana za'ra wa'aba mono. Te aima irowaihu'u za'ra wa'aba zé hã asiwi rẽme aba tõ.