Provébiu 19:2 - ꞌRe Ihâimana Uꞌâsi Mono Zadawa Wasuꞌu

² Ni'wai ma hã marĩ tãma waihu'u õ nherẽ, te te sima 're iwẽ mono te te 're i'manharĩ mono da hã wẽ õ di. Duré ni'wa wara sina marĩ te te 'manharĩ wamhã, te za ãma upa.

Provébiu 19:2 ပူးပေါင်းရင်းမြစ်များ

Provébiu 1:16

Waptu na te te sima 're rosa'rata za'ra, marĩ te te 're 'manharĩ za'ra mono da hã. Te te duré 're danhimroi mono da hã simire sina te õne u'â dazada 're hâimana siromo za'ra.

Provébiu 10:21

Iwẽ norĩ mreme hã, te za da'ahâ uptabi ma hã te te 're rob'manharĩ wẽ za'ra. Tane nherẽ, isimiza'rese'õ norĩ hã 'rãi waihu'u wasété wa, te za 're idadâ'â za'ra mono zéb u hã 're sisimro.

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.

Provébiu 21:5

Ni'wa atãma na marĩ na te te sima ãma 're irowa'õtõ wẽ mono hã te za marĩ si'utõrĩ ãna sa'ẽtẽ na sa 're simi'wara. Duré ni'wa waptu na sa'ẽtẽ te te sima ãma 're irowa'õtõ mono hã te za marĩ zô tiwi sô 're rowaptâ'â.

Provébiu 25:8

Ai'aba'ré na da'ãma rowairébézéb u aimorĩ tõ, marĩ i'madâ'âzé wasu'u da hã. E marĩ wa. Nimahã na za iwasu'uzém na ãma i'upa na hã da te aiwi upsibi me dâ'âsina. Ãhã wamhã, e marĩ te za i'manha.

Provébiu 28:20

Sena na 're ihâimana za'ra mono norĩ pẽ'ẽ 'remhã, rowẽ za'ẽtẽ na hã te za tãma 're hâimana za'ra. Tane nherẽ, ni'wa duré waptu na 're isisimarĩ mono ma hã, tãma rob'manharĩ wasété ãna ihâimana da hã mare di.

Provébiu 28:22

Isõti hã te waptu na 're isisimarĩ pese za'ra mono da si, tinhimarĩ zô sima 're sõpré. Tane nherẽ, sisõwamhã te te rob'madâ'â waihu'u õ di, za isimarĩ'õzé bâdâ ipire, sô iwisizé hã.

Provébiu 29:20

E aima waihu'u pese di, ni'wa õne haré timreme te te ime hã, simirosa'rata ãna. Taha ma hã rowẽ õ di za. Isimiza'rese'õ ma, tãma rowẽ di za, õhõ nhipai u.

Zuwã 16:3

'Re ihâimana u'âsi mono hã da te dasiwi 're waihu'u mono õ di, Ĩmama na. Ĩzama we te te ĩzatõrĩ na, da te dasiwi 're ĩzaze za'ra mono õ di. Tahawa, ĩzadawa wasu'u'wa 're anomro aba mono nherẽ, te za da te 're ai'ruiwapari u'âsi za'ra wa'wa.

Roma 10:2

Ta norĩ hã te te sima 're wẽ uptabi za'ra, 'Re ihâimana u'âsi mono ma, 're sisõmri u'âsi za'ra mono da, õhõ ma si, te te 're romhuri pese za'ra mono da. Ãne na, wa tô ĩsi'uihâ na ãma waihu'u pese za'ra, tô sena na. Tane nherẽ, 'Re ihâimana u'âsi mono ma, da te 're iromhuri pese za'ra mono zé hã te te waihu'u pese za'ra õ wa, te te sina tãma 're uwaimrami za'ra mono õ di.

Filipu 1:9

'Re ihâimana u'âsi mono ma, wa duré ai'ãma 're ĩmreme u'âsi za'ra wa'wa, te te 're aipawaptob u'âsi za'ra wa'aba mono da, 're idazawi za'ra wa'aba mono zé hã aima 're sa'ẽtẽ u'âsi za'ra wa'aba mono da, duré 'Re ihâimana u'âsi mono nhimirowaihu hã 're waihu'u pese za'ra wa'aba mono da. Duré uburé marĩ hã iwẽ na ãma 're waihu'u za'ra wa'aba mono da, wa ai'ãma 're ĩmreme u'âsi za'ra wa'wa, duré iwasété na ãma 're waihu'u za'ra wa'aba mono da, asiwi 're wẽ'õ za'ra wa'aba mono da.