Provébiu 19:16 - ꞌRe Ihâimana Uꞌâsi Mono Zadawa Wasuꞌu

¹⁶ Ni'wa 'Re ihâimana u'âsi mono nhimiroti te te 're wapari pese mono wamhã, te za 're hâimana hâ. Duré ni'wa isimiroti te te siwi 're wẽ'õ mono wamhã, 're hâimana hutu mono di za.

Provébiu 19:16 ပူးပေါင်းရင်းမြစ်များ

Salmu 103:18

isimiropisutu zahi te te sima 're itété za'ra mono norĩ ma, duré isimiroti te te 're iwapari pese za'ra mono norĩ ma.

Provébiu 13:13

Ni'wa roti iwẽ te te 're wazé mono õ wamhã, te za tihâimana wasété na 'râwi 're si'u'a. Tane nherẽ, ni'wa hã roti iwẽ te te 're wazé mono wamhã, te za iwẽ si te te sima 're azani.

Provébiu 15:32

Ni'wa roti iwẽ te te siwi wẽ'õ wamhã, te za 'râwi tihâimanazé hã siwi wamna. Tane nherẽ, ni'wa tihâimana pese zé te te sina i'uzei pe hã te za rowaihu iwẽ hã te te sima 're sa'ẽtẽ u'âsi mono.

Provébiu 16:17

Sena na i'uwaibaba na 're ihâimana za'ra mono norĩ hã te za bâdâdi iwẽ na hã iwasété nhiti 're nomro. Duré ni'wa bâdâdi na timorĩzé te te sima 're i'madâ'â pese mono hã te za tihâimanazém na 're sisõ'reptu.

Provébiu 21:16

Ni'wa tinhimiza'rese wẽ te te rẽme wamhã, te za 're idadâ'â za'ra mono zép te na si oto 're hâimana.

Provébiu 21:23

Ni'wa niha na timreme zani wi 're si'madâ'â pese mono wamhã, te za ropire te te sisô iwazere nhiti hã 're hâimana.

Provébiu 22:5

Iwasété norĩ nhibâdâdi na te 'wabzéré hã sô 're hâimana za'ra, duré abazei mramizé hã. Ni'wa hã ihâimanazé tãma sawi wamhã, te za tãma 're hâiba za'o.

Provébiu 29:18

Ti'ai wa'õtõ nho'õmo 're, 'Re ihâimana u'âsi mono nhimiroti zarina 're idanomro mono õ ãma hã te za siwa'ru 're dahâimana za'ra, isiti. Tane nherẽ, 'Re ihâimana u'âsi mono nhimiroti te te sima 're itété za'ra mono si tãma 're rowẽ uptabi za'ra mono di za.

Provébiu 3:1

Ĩ'ra, ĩnhimiroti na hã aipo're si'âri tõ. Aipẽ'ẽ 're asima tété.

Mateu 16:26

Ãté ni'wa hã te za tinhibro hã te te sima 're a'ubumroi pese, sibrob ahâ uptabi da. Tawamhã te za oto dârâ. Ti'ab ré, sibrob ahâ nherẽ, e tãma 're rowẽ mono di za, rowẽ isi'utõrĩ'õ hã te te sina uwaimrami õ wamhã. Mare di. Tãma 're rowẽ mono õ di za. Ti'ai ãma, simarĩ ahâ uptabi nherẽ, tãma hã waihu'u õ di za, tinhimarĩ na rowẽ ãma 're ihâimana mono zé te te ãma sima iwa'âbâzéb da hã.

Luca 10:28

Tahawa, te Zezusi hã asa duré tãma tinha: — Tane tô. I'uwaibaba ma tô ĩma iwaihu. Tawamhã taha zarina 're aihâimana mono wamhã, 'Re ihâimana u'âsi mono 'rata te za 're aihâimana u'âsi mo, hâiwa ãma.

Luca 11:28

Tahawa, te Zezusi hã asa tãma tinha, ãne: — Tane tô. Tãma 're rowẽ mono nherẽ, isipai u ni'wam norĩ ma, 're rowẽ uptabi za'ra mono di za. Ni'wam norĩ hã, 'Re ihâimana u'âsi mono zadawa wasu'u hã tipo're na te te 're wapari za'ra mono wamhã, duré te te 're 'madâ'â pese za'ra mono wamhã, tãma 're rowẽ uptabi za'ra mono di za.

Zuwã 14:15

Tawamhã Zezusi te duré tãma rowasu'u za'ra, ãne: — 'Re ĩzawi pese za'ra wa'aba mono wamhã, ĩnhimiroti si te za 're i'madâ'â pese za'ra wa'aba mo.

1 Corĩtu 7:19

Danhihâiwata nhihâri ré si 're idahâimana za'ra mono zé hã marĩ dai õ di, 'Re ihâimana u'âsi mono ma hã. Duré danhihâiwata nhihâri õ nherẽ, 're idahâimana za'ra mono zé hã marĩ dai õ di, 'Re ihâimana u'âsi mono ma hã, ãne hã tô aiwa. Ãne si tãma ipire hã, 're idahâimana za'ra mono zéb da hã. 'Re ihâimana u'âsi mono nhimiroti, da te 're 'madâ'â pese za'ra mono sina 're idanomro wẽ mono zép si, tãma ipire hã.

1 Zuwã 3:22

Duré, isimiroti hã wa te 're 'madâ'â pese za'ra mono wamhã, te te wama 're i'awẽ mono zéb uwaibaba si 're wahâimana za'ra mono wamhã, wa te tiwi 're irowaptẽrẽ za'ra mono zéb uwaibaba si, te za uburé marĩ hã iwẽ te te wama 're anhomri.

1 Zuwã 5:3

Tawamhã 'Re ihâimana u'âsi mono hã wa te wasiwi 're sawi pese za'ra mono wamhã, e niha wa za tawamhã 're wahâimana za'ra. Isimiroti si wa za wa te 're 'madâ'â pese za'ra. E isimiroti hã wama pire za'ra di, wa te 're i'madâ'â pese za'ra mono zéb da hã. Mare di. 'Re ihâimana u'âsi mono 'ra, oto 're wanomro mono wa, wama waihu'u pese za'ra di, wa te tãma ãma 're i'uwaimrami za'ra mono zéb da hã. Tahawa, wanhiptete na wa za 'Re ihâimana u'âsi mono wẽ'õ'wa norĩ da, 're wahâimana za'ra, uburé marĩ iwasédé hã ti'ai ãma 're ihâimana za'ra mono wi. E niha wa za wanhiptete sina ãma 're wahâimana za'ra. Zezusi hã Wanho'reptui'wa na wa te wasina 're i'umnhasi pese za'ra mono zém na wa za wanhiptete sina dawi 're wahâimana za'ra.

Apocalipsi 22:14

Duré, ni'wam norĩ hã ti'uzazé hâirã da, te te 're i'upsõi pese za'ra mono norĩ ma si hã tãma 're rowẽ uptabi za'ra mono di za. Tane tiwasété wi, 're isipizari za'ra mono hã, 'Re ihâimana u'âsi mono, iwasédé te te tãma 're i'a'upsõi mono zé, te wasu'u, i'uza hâirã hã. Ta norĩ si te za rob'rãi u'â hã te te 're huri, da te 're huri mono wa, 'Re ihâimana u'âsi mono 'rata ãma 're idanomro u'âsi mono zé hã. Ta norĩ si te za duré õne haré 'ri nho'õmo u 're sisisi, 'ridawa za'ẽtẽ na, ni'wa te te tiwi sitob za'ra ãna.