Provébiu 19:14 - ꞌRe Ihâimana Uꞌâsi Mono Zadawa Wasuꞌu

¹⁴ Da'ra norĩ te za timama uirĩ na isimarĩ hã 'ri hã duré rob'uiprazé hã te te sima 're waibu za'ra. Tane nherẽ, Uburé Danhib'apito si te za damro pi'õ isimiza'rese wẽ hã te te dama 're anhomri.

Provébiu 19:14 ပူးပေါင်းရင်းမြစ်များ

Zenezi 24:44

Ta hã ãne na te te ãma ĩ'mazazei wamhã, duré ĩte awaru ba'õmore ma zama te te tãma õb za'ra da, si'mai'âri wamhã, ã hã te za ĩnhib'apito 'ra ma hã, pi'õ tãma ipisu za, imro da.”

Zenezi 24:7

Uburé Danhib'apito, 'Re ihâimana u'âsi mono, hâiwa ãma 're isãmra mono ma tô ĩmama nhorõwa hawimhã, duré ĩsisãnawã norĩ nhipti'ai hawimhã we ĩwaze, ãwamhã. Duré ĩnhihudu norĩ ma, ã hã ti'a te te sõmri da, ma tô ĩma ropisutu. Õ hã te za tite hâiwa ãma romhuri'wa we satõ, te te asaprõni wẽ da hã. Ãhã wamhã te za ĩ'ra ma, pi'õ we tãma i'mazaprõ.

Provébiu 13:22

Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Provébiu 18:22

Ni'wa timro da, pi'õ te te 'manhopẽtẽ wamhã, tãma irowẽ uptabi zép si, te za sõpẽtẽ. Ta hã, Uburé Danhib'apito, aibâ te te iwẽsãmrizé te wasu'u.

Provébiu 3:6

Uburé marĩ 're i'ab'manharĩ mono na 'Re ihâimana u'âsi mono ãma 're aipo're pu'u mono. Taha wamhã bâdâdi awa'awi inomro hã te za te te aima 're hâi'ré u'âsi.

2 Corĩtu 12:14

Si'ubdatõ ãma, wa za oto ãma atẽme ĩmorĩ 'wa, te duré asabu na sahu za'ra wa'aba da. Tawamhã ãma atẽme ĩmorĩ aba wamhã, asiwi ĩpawa'âbâ aba da, te aiwi rowaptẽrẽ za'ra wa'aba õ di za, asimarĩ za'ra wa'aba zô, ãma atẽme ĩmorĩ aba õ wa za. Taré Cristuhu wasu'uwẽ na te aipawaptob za'ra wa'aba da si, wa za tô ãma atẽme ĩmorĩ 'wa. E damama norĩ ma, te za da'ra norĩ hã te te 're ubumroi pese za'ra, dasazé hã. Mare di. Damama norĩ si, te za te te 're rob'ubumroi pese za'ra, ti'ra sazéb da hã. Tane duré wa hã, aimama za'ra wa'aba ne, aima 're ĩhâimana za'ra wa'aba mono wa, te 're aipawaptob za'ra wa'aba mono da si, wa tô te ai'ãma 're rosa'rata u'âsi za'ra wa'wa, ĩsima. Tahawa, asiwi ĩpawa'âbâ aba õ di za.

Tiagu 1:17

'Re ihâimana u'âsi mono hã hâiwa na rob'uiwẽ'wa 'manharĩ'wa hã, hâiwa hawi ma tô marĩ iwẽ na uburé we dama 're sõpru, iwẽ uptabi na si. Ta hã tihâimanazém na te te saprĩ õ di. Õne u'â, te hâimana wẽ u'âsi 're hâimana.

Zozué 11:23

Ãne ma tô Zozué, uburé ti'a norĩ hã waibu, Uburé Danhib'apito, Mozésihi ma te te inharĩzéb zarina, Izaraéu nhihudu wa'õtõ mono bâ te te sõmri za'ra mono da, ãma isipo'o mono hã. Ãne ti'a hã ma tô oto wa'udu, dasi'wapé na hã.