Provébiu 19:11 - ꞌRe Ihâimana Uꞌâsi Mono Zadawa Wasuꞌu

¹¹ I'rãi waihu'u wẽ norĩ hã dame 're si'rãi wa'ro su'u za'ra mono õ di. Duré dawasédé, da te tãma 're 'manharĩ mono nherẽ, te te da'ãma 're i'a'madâ'â mono õ zarina te za dasiwi da te 're wazé pese.

Provébiu 19:11 ပူးပေါင်းရင်းမြစ်များ

Provébiu 11:13

Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tane nherẽ, dama i'umnha hã te za si'rep si te te sima 're tété.

Provébiu 12:16

Isimiza'rese'õ hã niha dazada ihâimanazém na hã te za awa'awi te te dama ãma 're ropé. Tane nherẽ, i'rãi waihu'u wẽ ãma, da te 're iwasété mono zé hã te te sina 're mrami waihu'u mono õ di.

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.

Provébiu 15:18

I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 16:32

Iwa'ro su'u õ norĩ hã wẽ uptabi di, isib'ru norĩ, isiptete norĩ nhipai u. Duré 'ri ahâ ãma da te 're i'ai'uté mono zém nhipai u, marĩ da te 're 'manharĩ za'ra mono tõ da, dasiwi 're idanhimi'rãmi za'ra mono zé hã wẽ uptabi di.

Provébiu 17:14

Damreme na dasi'ahâri, 're isãna'rata mono zé hã, aiwa â nhowadazé 're isipo'o na'rata mono ne hã te 're hâimana. Tahawa iwẽ hã ropsiwamnarĩ prãi ré, da te ãma 're irosahâri za'ra mono da si.

Provébiu 20:22

Ãne hã nharĩ tõ: “Ĩma rob'manharĩ wasété 'wai ma, wa za ãma tãma wa'rã, ĩsi'ruiwa'âbâ da!” Uburé Danhib'apito si 'madâ'â, niha hã taha si te te aima hiri wẽ da, aihâimanazé hã.

Provébiu 20:3

Uburé isimiza'rese'õ norĩ te waptu na tisi'wapé na hã dame 're hâimana za'ra. Ni'wa dasi'wapé nhiti 're ihâimana mono si dama wazéb u'âsi di.

Provébiu 25:21

Asi'ru mram na hâimana wamhã, isa hã tãma sõmri; duré 'rubu na hâimana wamhã, â hã tãma sõmri.

Provébiu 29:11

Isimiza'rese'õ norĩ hã te sõ'awi 're isahi za'ra mono zém na hã 're sihâi'ré za'ra. Tane nherẽ, wẽ na 're ihâimana mono hã te za ari'iwi 're hâimana mono da si 're sitété.

Éfézu 4:32

Marĩ iwẽ na te za dama 're asõprub za'ra wa'aba mo, da'ãma 're aipẽ'ẽzé za'ra wa'aba mono sina. 'Re ihâimana u'âsi mono hã Cristu dazada dâ'â wa, te te ai'ãma 're 'madâ'â za'ra wa'aba mono õ di oto, 're i'manharĩ wasété za'ra wa'aba mono zé hã. Tahawa, a norĩ wa'aba ma, iwasédé hã da te aima 're 'manharĩ za'ra wa'aba mono nherẽ, isine dawasédé hã duré oto da'ãma 're 'madâ'â za'ra wa'aba mono õ di za.

Tiagu 1:19

Ĩsisãnawã norĩ, ĩma asawi pese za'ra wa'aba norĩ hã, ãne wa za duré aima waihu'u za'ra wa'wa, ãma 're i'asipo're pu'u u'âsi za'ra wa'aba mono zéb da hã. Ari'iwi te za a'â 're idawapari za'ra wa'aba mo, aiwara sina aimreme hã 're sani za'ra wa'aba mono tõ da, duré dazada 're asahi za'ra wa'aba mono tõ da.