Provébiu 19:10 - ꞌRe Ihâimana Uꞌâsi Mono Zadawa Wasuꞌu

¹⁰ Isimiza'rese'õ norĩ, sima sipese na 're ihâimana za'ra mono da hã ibâi õ di. Pawa'âbâ ãna te te dama 're iromhuri za'ra mono norĩ hã bété. Dama i'rãnho'õmo norĩ upana te te 're ida'a'madâ'â mono da hã ibâi õ di duré.

Provébiu 19:10 ပူးပေါင်းရင်းမြစ်များ

Provébiu 17:7

Isimiza'rese'õ, damreme iwẽ na te te inharĩzéb da hã te te wazari õ di, niwa ãma hâimana õ wa. Duré dama iwazém norĩ hã dazadawa nhipese na rowasu'u hã te te wazari õ di.

Provébiu 26:1

Rob'ré siwaprã rowahâzé pĩni u'ẽne 're ita'a mono ne, duré niha wamhã, roptehâri siwaprã tã 're ita'a mono ne, ni'wa hã ihâimana nhimiza'rese'õ ãma 're iwata mono zé hã te te rowazari õ di, sadai õ wa.

Luca 16:19

Tawamhã Zezusi hã te duré tãma rowasu'u za'ra, farizeu norĩ ma, ãne: — Aibâ hã te 're mo, isibro pe hã. Zazahâ iwa'âbâ za'ẽtẽ na si, te 're si'uza. Duré dasa iwẽ uptabi na si, te 're sa.

Luca 16:23

Tawamhã ropipa hã te te oto 're sépata za'ẽtẽ, adâ 're isi'ubumroi mono zéb ãma hã. Ta hawi ma tô rob'madâ, isibro pe hã. Te te rob'madâ'â wamhã, ma tô Abra'ã hã tisã, romhâ na. I'rata te Lazaru hã nhamra, isibrob'õ hã.

Tiagu 4:9

Aiwasété na 'râwi 're asisãmri za'ra wa'aba mono wa, te za 're ai'ru'ru wa'aba mo. Rowẽ te, aipẽ'ẽ 're, 're ato za'ra wa'aba mono õ di za a'â. Robzei'õ na te za a'â 're aihâimana za'ra wa'aba mo.

1 Samuéu 25:36

Tawamhã Abigaiu ma tô mo apâ, timro Nabauhu u hã. Ta hã dasa isa'ẽne hã apito te te sima 're i'manharĩ za'ra mono ne, 'ri paramhã te te 'manharĩ ré, ma itẽme wi, imro hã. Tahawa, ma tô si'rãiwamna. To ti duré. Tawamhã imro Abigaiu niha hã marĩ te te tãma wasu'u õ di. Awẽm na isi'rãiwamnarĩ zahu õ zéb ãmap si ma tô uburé tãma wasu'u. Tahawa, ma tô õne haré timorĩ'õ, siri siwamnarĩ wa.