Provébiu 18:7 - ꞌRe Ihâimana Uꞌâsi Mono Zadawa Wasuꞌu

⁷ Isimiza'rese'õ nhimirobzanhamrizéb zarina te za ti'uprosizé hã te te sima ãma 're sani. Duré timreme na te za sisõwada, abaze mramizém na.

Provébiu 18:7 ပူးပေါင်းရင်းမြစ်များ

Salmu 140:9

Tãma waprosi za'ra tõ, ĩnhitob'ru norĩ te te da'ãma 're i'ai'uté za'ra mono da hã. Ma'ãpé tãma 'manharĩ za'ra na, ĩma isimi'amhâzépa za'ra zép si isisiwi waptã'ã za'ra da hã, ĩhâiba wa'rãmi.

Provébiu 10:14

Rowaihu'u wẽ na 're ihâimana za'ra mono norĩ hã te za uburé tinhimiza're wẽ hã te te sima ãma 're hâimo za'ra. Tane nherẽ, isimiza'rese'õ hã 're mreme zusi mono wamhã, te za ropire hã sisada te te 're sani za'ra.

Provébiu 10:8

I'rãi waihu'u wẽ 're ihâimana za'ra mono hã te za rotizé iwẽ hã te te sina 're uze za'ra. Tane nherẽ, timreme na 'râwi 're isi'madâ'â pese mono õ hã te za robzei'õ na tihâimana wẽ zé hã siwi uprosi.

Provébiu 12:13

Wasété na 're ihâimana za'ra mono norĩ hã te 'râwi timreme wasété na 're sisitob za'ra. Tane nherẽ, wẽ na i'uwaibaba na si 're ihâimana za'ra mono norĩ si te ropire hawi 're iwairébé mono zém na hã te te 're 'rãiwa'õmo za'ra.

Provébiu 13:3

Ni'wa tinhimirobzanhamri wasété wi, 're sisadawa uwati mono wamhã, te za tihâimana wẽ zém na hã 're si'madâ'â. Tane nherẽ, ni'wa siwa'ru te te 're robzanhamri hâ mono wamhã, te za 'râwi tihâimana wẽ zé hã te te siwi 're uprosi.

Provébiu 14:3

Simiza'rese ãna 'râwi 're isi'madâ'â ze za'ra mono norĩ hã te timreme zarina robzépada hã te te sitẽme 're ãwisi za'ra. Tane nherẽ, isimiza'rese wẽ norĩ hã te 'râwi timreme na si'wawi 're simapa za'ra.

Provébiu 16:22

Rowaihu'u wẽ hã te i'rãiwaihu'u wẽ norĩ ma, rowẽ na 're idahâimana za'ra mono na'rata zém na tãma 're hâimana za'ra. Tane nherẽ, simiza'rese ãna 're ihâimana za'ra mono norĩ hã te ti'ahârizép si te te sisô 're sani za'ra, tinhimiza'rese'õ zarina.

Provébiu 18:8

Dabâsi zei'wa norĩ mreme hã aiwa dasai wa'õtõre ise, dapẽ'ẽ u 're isisisi mono ne hã te 're hâimana.

Provébiu 5:22

Marĩ 'manharĩ wasété 'wa norĩ wasétézé hã abaze mramizém ne hã te tãma 're hâimana za'ra. Tiwasété na hã te tô 're sisitob za'ra, abazipara na abaze hã imramizém na da te 're iwaibui mono ne.

Provébiu 6:2

E ma tô asisito, aimreme na dama iropisutu zarina hã.

Zuize 11:35

Tawamhã Zépté ti'ra te te 'madâ'â wa, isabâdâ tiwi robzei'õ pese wa, ma tô ti'uza te te hâiwazui mono sina duré sadari sina tinha ãne: — E niha ĩ'ra! Ĩma ropire uptabi di ãhã na hã, aihâiba u'âbâmhã. E marĩ wa. Wa hã wa tô Uburé Danhib'apito ma ropisudu ipire hã 'manha. Tahawa te ãma sipai waihu'u õ di, te tãma iropisutuzém na hã.