Provébiu 18:6 - ꞌRe Ihâimana Uꞌâsi Mono Zadawa Wasuꞌu

⁶ Isimiza'rese'õ, timreme zahi zarina, te za dasi'wapé hã te te 're azani. Te za duré ti'ahârizé hã te te sisada ãma 're azani.

Provébiu 18:6 ပူးပေါင်းရင်းမြစ်များ

Provébiu 12:16

Isimiza'rese'õ hã niha dazada ihâimanazém na hã te za awa'awi te te dama ãma 're ropé. Tane nherẽ, i'rãi waihu'u wẽ ãma, da te 're iwasété mono zé hã te te sina 're mrami waihu'u mono õ di.

Provébiu 13:10

'Râwi 're idasi'madâ'â ze za'ra mono zé hã te za damreme na dasi'wapézép si hã te te 're poto za'ra. Tane nherẽ, rowaihu iwẽ hã te roti iwẽ wapari zei 'wa norĩ ma si hã 're hâimana.

Provébiu 14:16

I'rãi waihu'u wẽ norĩ hã te za ropire tãma 're hâimana za'ra mono tõ da, 're si'madâ'â pese za'ra. Tanei õ di, isimiza'rese'õ norĩ hã. Te rosa'rata ãna si'aba'ré na marĩ hã te te 're 'manharĩ za'ra.

Provébiu 14:3

Simiza'rese ãna 'râwi 're isi'madâ'â ze za'ra mono norĩ hã te timreme zarina robzépada hã te te sitẽme 're ãwisi za'ra. Tane nherẽ, isimiza'rese wẽ norĩ hã te 'râwi timreme na si'wawi 're simapa za'ra.

Provébiu 17:14

Damreme na dasi'ahâri, 're isãna'rata mono zé hã, aiwa â nhowadazé 're isipo'o na'rata mono ne hã te 're hâimana. Tahawa iwẽ hã ropsiwamnarĩ prãi ré, da te ãma 're irosahâri za'ra mono da si.

Provébiu 19:19

Ni'wa hã ihâimana wa'ro su nimahã na te te robzépata tõ da, pawaptom nherẽ, sisãmri dai õ di. Duré pawaptob zahu nherẽ, isisãmri da hã mare di. Tahawa, ihâimana wa'ro su'u norĩ te te tô 're robzépata za'ra mono.

Provébiu 19:29

Da'ãma 're idawa'ẽ za'ra mono norĩ da hã te i'ahârizéb da hã da te sada 're sa'ra za'ra. Duré isimiza'rese'õ norĩ da zama, te za iba wi da te 're ipré'é za'ra mono da hã da te sada 're sa'ra za'ra.

Provébiu 20:3

Uburé isimiza'rese'õ norĩ te waptu na tisi'wapé na hã dame 're hâimana za'ra. Ni'wa dasi'wapé nhiti 're ihâimana mono si dama wazéb u'âsi di.

Provébiu 22:10

Da'ãma iwa'ẽ ze, õne haré satõrĩ wamhã, te za damreme na dasi'ahâri hã ai'utõ, duré dasisada dazahi zarina da te dasi'ãma 're iwasété za'ra mono zé hã.

Provébiu 25:24

Wẽ di, aibâ 'ri upsibi hâpâ zasé're ãma, timro nhiti 're ihâimana mono da hã, imro isimiwati pese me 'ri 're, 're isãmra mono nhipai u.

Provébiu 27:3

Ẽtẽ norĩ, supara me hã pire uptabi zahuré di. Tane nherẽ, isimiza'rese'õ norĩ nhimirob'manharĩ wasété zarina ro'wa'rutuzé hã pire uptabi di, isipai u zahuré.

Provébiu 29:9

Aibâ isimiza'rese wẽ, isimiza'rese'õ da hâimana da, dama rowairébézéb u morĩ wamhã, te za isimiza'rese'õ hã taré nasi ãma wasété. Te za duré nasi sahi sina robzanha. Tawamhã ro'wa'rutu uptabi di za.