Provébiu 18:3 - ꞌRe Ihâimana Uꞌâsi Mono Zadawa Wasuꞌu

³ Dawasété zarina, danhisi wasédé. Duré dawazéb õ zarina, danhisi upto.

Provébiu 18:3 ပူးပေါင်းရင်းမြစ်များ

Neemia 4:4

“Wate 'Re ihâimana u'âsi mono, ma'ãpé wa'ãma iwa'ẽ za'ra zé hã wapari! Tãma 'manharĩ za'ra na, wa'ãma iwa'ẽ za'ra zé hã õ norĩ nhisiwip si waptã'ã da, wa'upana za'ra. Duré ma'ãpé isipti'a za'ra hawi da te simroi mono da hã tãma 'manharĩ za'ra na, sito pese na 're hâimana za'ra mono da, wa'upana za'ra.

Salmu 69:20

Da te ĩ'ãma 're iwasété za'ra mono zé hã ma tô te 're ĩsiri wai're. Tahawa, marĩ iwẽ zô hã oto 're ĩnhimnhasi waihu'u mono õ di. Ni'wa ĩ'ãma isiwamri zô ne, wa aré mapa. Tane nherẽ, ni'wa hã ĩ'ãma siwamri õ di. Duré ni'wa te te sina ĩpẽ'ẽ tété da hã, wa aré mapa. Tane nherẽ, ni'wa ĩtẽmemhã we morĩ õ di.

Salmu 69:9

Asõrõwa zawi pe ĩma 're ihâimana mono hã te unhama ne ĩpẽ'ẽ 'remhã ĩma 're hâimana. Duré ai'ãma iwasété'wa norĩ, te te ai'ãma 're iwasété za'ra mono zé hã te duré ĩnhisiwimhã 're waptã'ã.

Provébiu 11:2

'Râwi 're isi'madâ'â ze za'ra mono norĩ hã te za waptu na 're siwazéb za'ra. Tane nherẽ, wapu na 're isi'madâ'â za'ra mono norĩ hã te za rowaihu iwẽ ré hã 're hâimana za'ra.

Provébiu 13:5

Sena na 're ihâimana za'ra mono norĩ ma hã dazadawa nhipe hã tãma 'ru ti. Tane nherẽ, iwasété norĩ hã te za dama rowazébzé hã te te dama 're sani za'ra.

Provébiu 18:2

Isimiza'rese'õ marĩ te te iwaihu'u da hã te te sima 're wẽ mono õ di. Taré te za tinhimirosa'rata si te te dama 're anhamra.

Provébiu 18:4

Da'rãi waihu'u wẽ zarina, damreme hã aiwa â 'rehâ ne hã te 're hâimana. Duré rowaihu'u pese 'wai mreme hã â 're ipraba u'âsi mono ne, 'ré waihu'u õ di.

Provébiu 22:10

Da'ãma iwa'ẽ ze, õne haré satõrĩ wamhã, te za damreme na dasi'ahâri hã ai'utõ, duré dasisada dazahi zarina da te dasi'ãma 're iwasété za'ra mono zé hã.

Provébiu 29:16

Iwasété norĩ ipire na ihâimana za'ra zéb u oto 're sarõtõ za'ra mono wamhã, te za dawasétézé hã te te sina hâimo, isarina. Tane nherẽ, sena na 're ihâimana za'ra mono norĩ hã te za apto'oré hã iwasété norĩ rere'ezé hã te te 're 'madâ'â za'ra.

1 Pedru 4:14

Ãté Cristuhu ãma si 're aihâimana za'ra wa'aba mono 'ru te, te za da te aima 're nharĩ wasété za'ra wa'wa. Tane nherẽ, aima 're rowẽ za'ra wa'aba mono di za. E marĩ wa. 'Re ihâimana u'âsi mono pẽ'ẽzani hã aipẽ'ẽ 're aima 're hâimana za'ra wa'aba mono wa oto, rowẽ uptabi zé hã.

1 Pedru 4:4

'Re anomro wasété aba mono zé hã, tâibâ oto. Tahawa, siwa'ru dasiré 're aihâimana za'ra wa'aba mono õ wa, te ai'ãma 're tob'uzu za'ra wa'wa, Wamama nhimiroti waihu'u'õ'wa norĩ hã. Tahawa, 're aihâimana wẽ za'ra wa'aba mono 'ru te, te oto ta norĩ hã taré te te aima 're nharĩ wasété za'ra wa'wa.

1 Samuéu 20:30

Tawamhã Sau ma tô sada ab'rui pese, ti'ra Zonataha da hã. Tahawa, te tãma tinha ãne: — Pi'õi wasété 'ra, a hã! Wa tô aiwaihu'u ãhã na hã, saprĩ wa Dawihi niwĩ i'aihâimana na hã. Taha na ma tô asi'upto wasé. Ana zama ma tô duré i'upto wasé.