Provébiu 18:23 - ꞌRe Ihâimana Uꞌâsi Mono Zadawa Wasuꞌu

²³ Isimarĩ'õ norĩ hã te za wapu na dawi rowaptẽ. Tane nherẽ, isimarĩ pe hã te za timreme tete na hã ãma sada'â.

Provébiu 18:23 ပူးပေါင်းရင်းမြစ်များ

Zenezi 42:30

— Aibâ Ezituhu nhib'apito zapari dama i'rãnho'u, mreme tete na ma tô wama nharĩ za'ra. Taré ti'ai wa'õtõ nho'u wa te wasiwi sabu da, wa te dama irobzabu za'ra mono na hã.

Zenezi 42:7

Tawamhã Zuzé tisisãnawã norĩ te te 'madâ'â za'ra wi, ma tô waihu'u za'ra. Tane nherẽ, te te iwaihu'u za'ra õ ne, te mreme tete na hã sadanharĩ za'ra ãne: — E ma hawimhã bété, a norĩ wa'wa hã. — Cana'ã hawimhã wa norĩ wa we ai'aba'ré ni. Wa tô wasima wẽ za'ra ni, mra wa te 'mai'uipra za'ra da. — Ãne ma tô asa ãma tãma wa'rãmi za'ra, timreme na hã.

Ezodu 5:2

Tawamhã apito Fara'o te ãma sadanharĩ zahuré ãne: — E 'wa hã bété Asib'apito wa'wa, imreme te iwapari da hã, duré Izaraéu nhihudu norĩ ma, te iwaprosi da hã, ã hawi wairébé da. Asib'apito wa'wa hã ĩma waihu'u õ di. Tahawa Izaraéu nhihudu norĩ ma, ã hawi wairébé da, te tãma irowairébé za'ra da hã mare di za.

Provébiu 19:7

Isimarĩ'õ, isisãnawã uptabi te te siwi 're wẽ'õ mono nherẽ, e te aré bété isiwaihu'u norĩ hã te te sina 're tété za'ra. Mare di. Aiwa te za tô te te siwi 're wẽ'õ pese za'ra. Tahawa isiwaihu'u norĩ te te 're pawaptob za'ra mono da, duré sô 're rĩtĩ za'ra mono nherẽ, nimame te te i'manhopẽtẽ da hã mare di za.

Provébiu 22:7

Isibro pese norĩ hã isimarĩ'õ norĩ ma, siptete uptabi di. Duré ni'wa taré ropisutu na rob'uiprazé te te dawi i'mai'âri hã, te za te te tiwi i'âri zapari, wapu na 're hâimana.

Mateu 5:3

— Ni'wam norĩ hã 'râwi 're isipawapto waihu'u za'ra mono õ na 're siwaihu'u za'ra mono wamhã, duré 'Re ihâimana u'âsi mono si za ta norĩ hã i'upana te te 're ipawapto wẽ za'ra mono na te te sina 're waihu'u za'ra mono wamhã, ta norĩ si te za rowẽ na 're hâimana za'ra, ãma 're sib'a'uwẽ za'ra mono wa.

Tiagu 2:3

Ãté tawamhã i'uza wẽ ré ma, te za tãma i'manharĩ 'wa ãne: “Ãhãta wedeza iwẽ. Ãme asãmra.” Taha pari, te za duré isimarĩ'õ ma i'manharĩ 'wa ãne: “Hâiwim haré asa na.” Niha wamhã, “Ĩpapara asãmra, ti'ai wa.”

Tiagu 2:6

Tane nherẽ, ma tô a norĩ wa'wa hã isibrob'õ norĩ hã 're ihâiba wazéb'õ za'ra wa'aba mo. Ma'ãpé rosa'rata za'ra wa'aba. E 'wam norĩ hã te bété te te 're aiwati pese za'ra wa'wa. Duré e 'wam norĩ hã ma tô datẽme te te 're asimroi wa'wa, da'ãma rowairébé'wa norĩ u, ipipa na te te ai'ãma 're rowairébé za'ra wa'aba mono da. Isibro pese norĩ si, ma tô ãne na te te aima 're rob'manharĩ wasété za'ra wa'wa.

Ruti 2:7

Ta hã ma tô ĩwi rowaptẽ, amnho tehâri'wa norĩ zarina, te te awaibui mono da, amnho 'rã'a'a hã. Ãne ma tô romhu, bâdâ 'rãiwatobro hawim haré ã bâtâ u hã. Awã zahâpâ wa'utu da wapsi, ma tô a'â sazâ, suru na.

1 Samuéu 2:36

Tawamhã uburé asihudu hâiba amo norĩ hã 're ihâimana za'ra mono hã te za tãma 're siwẽ'ẽ za'ra apito ma, rob'uiprazé te te tiwi 're waptẽrẽ za'ra mono da hã, duré mra hã. Te za duré sasedoti norĩ pawapto'wa na te te 're romhuri za'ra mono da, sa'ẽtẽ te te 're rowaptẽrẽ za'ra, tisazéb da.

1 Samuéu 25:10

Tawamhã Nabau ma tô ãma tãma wa'rãmi za'ra ãne: — E 'wa hã Dawi. E 'wa merẽ Zéséhé 'ra. Niwamhã taha na hã te da'maiwapari õ di. Ãhã na hã te pawa'âbâ ãna dama romhuri'wa norĩ hã ahâ na tinhib'apito wi hã 're simani za'ra.

1 Samuéu 25:17

Tahawa, ãne na rosa'rata wamhã, ma'ãpé asima rowairébé, marĩ 'manharĩ da hã. E marĩ wa. Iwasédé hã za oto watobro wa, wanhib'ihâ'a tẽmemhã, duré uburé i'ra norĩ tẽmeb zama. Õ hã wasété uptabi wa, ni'wa hã te te tãma irobzanhamri da hã waihu'u õ di.