Provébiu 18:22 - ꞌRe Ihâimana Uꞌâsi Mono Zadawa Wasuꞌu

²² Ni'wa timro da, pi'õ te te 'manhopẽtẽ wamhã, tãma irowẽ uptabi zép si, te za sõpẽtẽ. Ta hã, Uburé Danhib'apito, aibâ te te iwẽsãmrizé te wasu'u.

Provébiu 18:22 ပူးပေါင်းရင်းမြစ်များ

Zenezi 2:18

Taha pari te duré Uburé Danhib'apito hã tinha ãne: — Aibâ siwaprosi 're ihâimana mono da hã wẽ õ di. Tahawa ni'wa te te 're ipawapto mono 'wa da hã wa za tãma 'manha, ihâiba a'âri'wa hã.

Zenezi 24:67

Tawamhã Izaqui, 'ri u ina Sara aré 're isãmra mono zéb u, ma tô Rebeca hã saprõ. Ãhã wamhã, ma tô oto ãma timro. Tawamhã Izaqui, Rebeca ma tô te te 're sawi pese. Ãne zarina, ma tô ina dâ'âzém na 're ipẽ'ẽzé mono zé hã sina tãma tipa.

Zenezi 29:28

Tawamhã Zaco ma tô ãma saze. Tahawa Léia imrozém na dasa isa'ẽne ihâimana na misi romhuri si'utõrĩ pari, ma tô duré Labã ti'ra, Raqueu ãma mro da hã oto tãma tisõ.

Provébiu 12:4

Pi'õ damro hã iwẽ na si 're hâimana mono wamhã, te za imro tãma 're ipẽ'ẽ toi mono zarina ãma 're wata. Tane nherẽ, imro rowazé te te sina tãma 're isani mono hã, aiwa ihi na ihâzé pire te te 're ihi ware mono wam ne hã, te te 're hi uprosi mono wa.

Provébiu 19:14

Da'ra norĩ te za timama uirĩ na isimarĩ hã 'ri hã duré rob'uiprazé hã te te sima 're waibu za'ra. Tane nherẽ, Uburé Danhib'apito si te za damro pi'õ isimiza'rese wẽ hã te te dama 're anhomri.

Provébiu 3:4

Ãne hã 're 'manharĩ mono wamhã, te za 'Re ihâimana u'âsi mono ma, sa'ẽtẽ na asina tãma 're irowẽ zani mo. Duré ti'ai ãma zama te za asina dama 're irowẽ zani mo. Te za duré da te dasima 're aiwasu'u wẽ za'ra.

Provébiu 8:35

E marĩ wa. Ni'wa hã te te ĩnhopẽtẽ wamhã, te za rowẽ na 're ihâimana u'âsi mono zé hã sõpẽtẽ. Ãne wamhã, Uburé Danhib'apito tãma ipẽ'ẽto zarina, te za wẽsã.

1 Corĩtu 7:2

Tane nherẽ, aibâ norĩ hã mro ãna 're hâimana za'ra mono nherẽ, pi'õ na tiwasédé te te 're i'manharĩ za'ra mono zé hã, ahâ uptabi di. Duré pi'õ norĩ hã mro ãna 're hâimana za'ra mono nherẽ, aibâ na tiwasédé te te duré 're i'manharĩ za'ra mono zé hã, ahâ uptabi di. Tahawa, aibâ norĩ hã te za tô 're mro za'ra, timro me si 're hâimana za'ra mono da. Ãne hã wẽ uptabi di, pi'õ aimawi na tiwasédé te te 're 'manharĩ za'ra mono tõ da. Duré pi'õ norĩ hã te za tô 're mro za'ra aibâ na, timro me si 're hâimana za'ra mono da, ta norĩ zama, aibâ aimawi na tiwasédé te te 're 'manharĩ za'ra mono tõ da.

Ruti 4:10

Rutihi ãma wa za duré ĩmro, moabita norĩ sipi'õi mrotõ ãma, Marõ hã sipara te te irẽme ãma. Ti'a hã idâ'â sisãnawã siwadi norĩ ma, 're hâimana u'âsi mono da, wa za ãma ĩmro, pi'õi ãma. Ãne wamhã, Marõhõ nhisi na te za ãhã 'remhã ãma 're dapo're pu'u u'âsi za'ra, duré ipotozéb 'reb zama 'ri nho'õmo 'remhã. Ãne na ma tô ã bâtâ na ĩ'madâ'â za'ra wa'wa.