Provébiu 18:21 - ꞌRe Ihâimana Uꞌâsi Mono Zadawa Wasuꞌu

²¹ Danhoto na damreme hã siptete di, isiminho'reptu zarina, ãma 're idahâimana za'ra mono zéb da hã. Duré ãma dapãrĩ da hã tô siptete di. Tahawa, damreme zarina te za tô niha hã da te dasima 're sani za'ra, iwẽ hã.

Provébiu 18:21 ပူးပေါင်းရင်းမြစ်များ

Provébiu 10:31

Sena na 're ihâimana za'ra mono norĩ hã te rowaihu iwẽ na si te te dama 're waihu'u za'ra. Tane nherẽ, ni'wa hã timreme wasété na si 're mreme mono wamhã, te za da te 're mreme nhihâri.

Provébiu 11:30

Sena na 're ihâimana za'ra mono norĩ hã te za rowẽ na 're idahâimana za'ra mono zé hã te te dama 're ãwisi za'ra. Duré i'rãi waihu'u wẽ norĩ hã te za tisiwaihu'u norĩ na hã ãma 're hâ'â.

Provébiu 12:13

Wasété na 're ihâimana za'ra mono norĩ hã te 'râwi timreme wasété na 're sisitob za'ra. Tane nherẽ, wẽ na i'uwaibaba na si 're ihâimana za'ra mono norĩ si te ropire hawi 're iwairébé mono zém na hã te te 're 'rãiwa'õmo za'ra.

Provébiu 21:23

Ni'wa niha na timreme zani wi 're si'madâ'â pese mono wamhã, te za ropire te te sisô iwazere nhiti hã 're hâimana.

2 Corĩtu 11:15

Tahawa, tô ibâre te za tãma iromhuri'wa norĩ hã isadawa para, sadawa nhipese na dama 're hâimana za'ra, 'Re ihâimana u'âsi mono ma, romhuri wẽ 'wa, 're hâimana za'ra mono newa, da te ãma 're irosa'rata wẽ za'ra mono zéb da hã, dasima. Tahawa, ta norĩ hã tiwasédé te te 're i'manharĩ za'ra mono zéb zarina, te za tô 'Re ihâimana u'âsi mono hã te te 're ahâ za'ra.

Éfézu 4:29

Aimreme wasété na dama 're aimreme zusi aba mono õ di za oto. Aimreme wẽ na si te za oto dama 're aimreme zusi aba mo, asimiroti wẽ na si 're dapawaptob za'ra wa'aba mono da ãma.

Colosu 4:6

Isazei'õ'wa norĩ ma, 're rowasu'u za'ra wa'aba mono wamhã, aimreme wẽ na si te za tãma 're irowasu'u za'ra wa'aba mo, tãma ãma 're rowẽ zani za'ra wa'aba mono da, aimreme wẽ na te te ãma 're aiwapari ze za'ra wa'aba mono da. Ãne wamhã, i'uwaibaba si te za tô aimreme na tãma ãma 're iwa'rãmi za'ra wa'aba mo, Cristuhu wasu'uwẽ na te te ãma 're asadanharĩ za'ra wa'aba mono zéb uwaibaba.

2 Pedru 2:18

Ta norĩ hã simiroti pire newa, 'râwi sina 're wata za'ra mono sina, te za te te dama 're rowasu'u za'ra, da te dasima 're iwẽ za'ra mono zéb uwaibaba, 're dahâimana wasété za'ra mono da, dama ãma 're rowẽ za'ra mono da newa. Ãne wamhã, nimosi isazei'õ'wa norĩ hâimana wasétézém hawi 're idasipizari za'ra mono norĩ hã, te za oto te te ãma 're sasõmri za'ra, senai'õ na rowasu'u'wa norĩ ãma hã.