Provébiu 18:16 - ꞌRe Ihâimana Uꞌâsi Mono Zadawa Wasuꞌu

¹⁶ Dama ipire ma nharĩ da, asima wẽ wamhã, asibzari taré tãma âri, sitẽme te te ai'âri su'u da.

Provébiu 18:16 ပူးပေါင်းရင်းမြစ်များ

Zenezi 32:20

Ãne na tãma irowasu'u za'ra wa'aba zéb da hã ãma aipo're si'âri za'ra wa'aba õ di za: “Asib'a'uwẽ Zaco hã zahadu te we waza'u za'ra mo.” Ãne Zaco ma tô rosa'rada sima 'manha: “Ezauhu ma, ĩnhoprum na ĩsisõwa te isõmri za'ra na hã wa za hâimana wahâ. Tahawa oto duré nimahã na wasisõpẽtẽ wamhã, ãté te za ĩ'âri wẽ.”

Zenezi 33:10

Tane nherẽ, te Zaco te te tãma i'ruzém na ãma tãma sahu ãne: — Wẽ'õ tõ! Sena ĩwẽsãmrizé aima hâimana wamhã, ma'ãpé tô aima ĩnhoprubzé hã waibui wẽ na. Wa hã we aimorĩ ré, te ai'ubu 'madâ'â wamhã, 'Re ihâimana u'âsi mono ubu te i'madâ'âzém ne ai'ubu hã, a hã ĩ'âri wẽ zarina.

Zenezi 43:11

Tawamhã te imama ãne tãma tinha: — Niha hã aimawi hã te oto aima waihu'u õ di. Tahawa ãne te za pé asiwi i'manharĩ 'wa za: Õ hã aibâ ma, taré tãma asõprub za'ra wa'aba zéb da hã te za ate wa'aba mono bâ sa'ui 're asiwi iséme aba mo. Wanhipti'ai 're, marĩ iwẽ 're ihâimana za'ra mono hã te za tãma i'wasari 'wa, taré tãma sõmri za'ra wa'aba da, suru na ba'usamo na wedewa'u tom nhisi hã, suru na ropĩ hã, suru na dasaiwarĩrĩzé hã, duré suru na amiduwi sine hã.

Provébiu 17:8

Ni'wam norĩ hã rob'uiprazém na pi'uriwi ãma da'uiprazém na te te 're rosa'rata za'ra, niha na iwa'rãmi da te tãma 're rowairébé za'ra mono da hã, wapu pese na ãma 're isibro pese za'ra mono zéb da hã.

Provébiu 18:17

Ni'wa hã imorĩ'rata na si'wawi simapa da isiwasu'u na hã te za sena newa ãma rosa'rata za'ra ni. Tane nherẽ, isiré ihâiba amo te te oto sadanharĩ wamhã, te za niha hã aimawi hã ãma waihu'u za'ra ni.

Provébiu 19:6

Dama ipire na 're ihâimana za'ra mono norĩ, te te 're dawẽsãmri za'ra mono da hã, te za uburé dasima 're danhopré. Duré sapa'abâ isibzari ze siwaihu'u norĩ hã ahâ uptabi di.

Provébiu 21:14

Ni'wa asada isahi ma, taré asõprubzé pi'uriwi tãma sõmri wamhã, asada isahizé hã te za tiwi ai'utõ.

1 Samuéu 16:20

Tawamhã Zésé ma tô ti'ra Dawi hã tãma satõ, Sauhu ma. Tahawa, Dawi hã ma tô tinhibzari te te tãma isõmri da hã tãma ti'â, abazei hâ na ub'rẽ 'manharĩ i'masi hã uwa 'rãi wa'u isé na. Ma tô duré tãma saprõ, pone'ẽrebâ zéré uzé 'ra hã. Tawamhã i'u'ẽtẽ wapu ré hã ma tô duré tãma iré saprõ, awaru po'repore hã.

1 Samuéu 25:27

Ma'ãpé, ĩnhoprubzé te we aima i'âri hã asiwi wẽ'õ ãna te za i'â, ate dasi'wapéi 'manharĩ'wa norĩ ma, sõmri za'ra da.